شوفي من تجربتي

خذي اثنين منفصلين وتقريبا حيكونوا ارخص من سعر الواحدة اللي بمجفف

الميزة انك تقدري تخلصي الغسيل في وقت اقصر بالضعف او اكثر

يعني تحطي غسيل ابيض ويخلص تحطيه في النشافة وعلى بال ما ينشف تحطي غسيل اسود ويكون نشف الابيض تحطي الاسود ينشف وترجعي تغسلي الملون الفواتح وهكذا

يعني تقدري تسوي شغلتين في وقت واحد
اما لو كانت عندك واحدة
راح تستهلكي حوالي ساعتين على جسب الكمية ونوع النظام في الغسيل الابيض مثلا
ونفس الشي الاسود
تلاقيكي اخر اليوم لونين غسيل او اكتر شوية
لكن لو كان الغسيل نص ساعة وبعده ترمي في المجفف وتحطي غسيل تاني تلاقيكي في الساعة خلصتي غسلتين وتجفيفة كاملة

احسبيها صح
ومع مرور الايام راح تحتاجي بس تنشفي شي عالسريع مثلا واصلا غسالتك مليانة غسيل كل واحد ما يعوق التاني

موفقة واذا على المكان اخلقي مكان واتصرفي وانا مجربة النشافة الجديدة اللي ما تحتاج لي تصريف .. فيها خزان يعبي الموية من التجفيف وتكبيه لما يتملى ويخلي غرفة الغسيل نظيفة

موفقة

الف شكر للي ردوا وجعله في موازين حسناتكم يارب
يعني الكل اجمع ان كل وحده احالها احسن..

رفع

مادام عتدك غرفة للغسيل حتى لو بتضيق المكان

المنفصلة افضل لك واوفر للوقت لان المتصلة دورتها تاخذ وقت طويل

اللي مع بعض تاخذ وقت طويل في الغسيل والتجفيف ولو كنتي مستعجله وتبين تغسلين وتنشفين في وقت قصير ماتقدرين زيدي على ذلك ان المجفف اللي مع الغساله صح يجفف مضبوط لكن تطلع متعفطه مو زي اللي مستقل لحاله ...
ودامك بتشرين غساله انصحك بفتحه اماميه تنظف من قلللب وتستهلك مويه اقل ..