محتارة/الجنين راسه فوق في الاسبوع36

عزيزتي بنت الريف ,,لاتقلقي ابدا ان شاء الله ينقلب ولو على اخر لحظه وانتي استشيري الطبيبه عشان تطمئني ,,,ولو حصل لاقدر الله واضطررت لعمليه قيصريه فلا تخافين ابدا والله انها رحمه من الله بنا ,,تقبليها بروح رياضيه وكوني متفائله ,,انا مسويه عمليتين واحيانا اتمنى ان الثالث اذاربي كتب يكون كمان عمليه لانها والله مريحه ..بس اهم شئ تقومين من ثاني يوم تغصبين نفسك وتمشين عشان تبرأ بسرعه ان شاء الله,,,,,الله يكتب لك مافيه الخير وتولدين طبيعي ان شاء الله .

اشكرك جزيلا يا اخت النحلة زينة زين الله حياتك يا الغالية طمنتيني الله يطمن قلبك
بالمناسبة كم ممكن تجلس الوحدة في المستشفى اذا سوت العملية وكيف تهتم بالجرح:26:

اهلين عزيزتي بنت الريف ,,ممكن الوحده تجلس في المستشفى حوالي 7 ايام لحد ماتطلع تمشي عادي ,,لكن انا في الثاني جلست بس 4 ايام وطلبت الخروج ورحت لبيت اهلي ,,لان تعرفين المستشفيات في الفتره الاخيره صاروا يسلمونك الطفل من ثاني يوم ,,وانا صراحه تورطت لانه كانت الحركه ماهي سهله ولاعندي احد يجيبه لي ويقربه لي ,,وتعبت معاهم عشان كذا طلبت الخروج والدكتور على طول وافق وماتفرق القعده في البيت اوفي المستشفى اهم شئ في البيت تلقين العنايه والخدمه ,,,اما عن الجرح فهما في المستشفى يغيرون عليه وممكن تستشيرين الطبيبه عن العنايه به ,,وانا كنت استعمل مسحات طبيه لمده طويله يمكن شهر بعد العمليه حفاظا على نظافتها ,,,والله يااختي انه صار كل شئ يخوف في هالزمان لا العمليه ولا الطبيعي لكن توكلنا على الله ,,واستخيري الله وادعيه ..والله يعطيك العافيه .

أنا أعرف طريقه تساعد على قلب الجنين ... احبي مثل الطفل لحد ما تحسين بالتعب ... ومارسي هالحركه أكثر من مره في اليوم .... وإنشاء الله تفيد ....

وبعدين يا حبيبتي لا تخافين من العمليه القيصريه ... لأنه الحين كل شي تطور وصارت هالعمليه مو صعبه لذيك الدرجه .... والله يقومك بالسلامه ..

شكرا لك اخت ميلودي وشكرا مرة اخرى للاخت النحلة زينة وشكرا لجميع الاخوات في هذا المنتدى
احب اخبركم ان الولادة تمت بحمد الله وقد اراد الله ان تكون بعملية قيصرية وقد رزقنا ببنت جميلة ولله الحمد والحين محتارة انا وزوجي ايش نسميهاولا زلنا في اخذ ورد .
يا ليت يا اخواتي تشاركون في اختيار اسم لها ولكم جزيل الشكر مرة اخرى
يعني كل واحدة تتصور انها بنتها ويش كانت تسميها والله يعطيكم العافية