محتارة اخلي التنظيف لرمضان يوم كامل او كم يوم

شافاكي الله وعافاكي اخيتي الغاليه
والله حالتك قريييييببببه من حالتي دايما احس بتعب وارهااااق واحس كلشي فيني يعورني وموقادره على البيت بروحي وبنفس الوقت مااحب الخدم واتوتر لاجبتهم وتصير نفسيتي دمار الحين لي شهر من غير خدامه خدامتي هربت الحمدلله على كل حال وادور على وحده للحين مالقيت ودي اتنشط واقوم ببيتي بسسس احسسسس صعب صعب وانا تعبانه جسديا يارب تقرينا وتعافينا

بس نسيت اقولك اني قاعده استلم كل جزء من البيت حتى ولو صغير وانظفه لاني بعد خدامتي اكتشفت انها تنظف تنظيف سطحي فقط وربك ادرى بالخافي

الحين ابتدأت بالمطبخ نظفت الثلاجات وتحت الثلاجات والكبتات بس توني ماخلصتهم الله يقوينا ويكتب لنا الاجر

الله يوفقك ياقلبي ويعطيك الصحة والعافية

الله يشفيك وكل مرضى المسلمين

قدامك شهر جنب تنظيف البيت الروتيني خذي لك شغله زياده

انا محدده لنفسي اسبوع في كل يوم ادخل شغله بسيطه في نظامي اليومي

لان ورايه اطفال وزوج وطبخ وغير هذا ما اجهد نفسي كثير

والله يبلغنا رمضان واحنا بصحه وعافيه ويعينا على صيامه وقيامه

الله يشفيك ويمدك بالصحه وطول العمر وتعيشين لرمضان ازمان وازمان
هو بصراحه التجهيز للشهر الفضيل وحبيب قلوبنا رمضان شي ممتع وتحسين له طعم وشوق
بس خذي من هالطريقه ومالك ومال الخدم إلا بتمسيح حيطان البيت والشفاطات وغسيل الآرضيات

أما المطبخ والدواليب وجواة الغرف لاماينفع أصلا نظافتهن عدم إلابعض الفلبن لابصراحه شغلهن يبرد القلب

طريقتي كل يوم أخذ جزء وأنظفه من قلللب وبكيذا الغرفه الصغيرة مثلا بتاخذ معك يومين تنظفينها نظافة عميقة
وتصيرين تحافظين على نظافتها

المطبخ على حسب مطبخك كبير صغير لو اخذتية جزء جزء بياخذ معك يمممكن 4 ايام الدولاب يوم الفرن والثلاجه يوم المغسلة والآرضية يوم وسيراميك الحيطان والشفاط يوم
أول حاجه أبدأي بالمخزن ورتبية ونسقي الترتيب دوري بتلقين افكار
ولين خلصتي منه وكبيتي الكراكيب ابدأي بالمطبخ يصير اي شي زياده من المطبخ ترجعينها للمطبخ لو محتاجتها لبعدين

يصير الباقي سهل هو اهم شي المطبخ والمخزن
تبغين تشجيع كل يوم نزلي يومياتك وحنا بنتابعك وحتى البنات يستفيدون منك
وروحي لليوتيوب واكتبي تنظيف المطبخ وشوفي المقاطع بتصيرين زي النحله