محتارة ...اريد نصايح الاخوات الحكيمات

السلام عليكم....كيفكم اخواتي....اريد استشارة منكم لاني احترت وش اسوي
تزوجت مطلق وله ولد من طليقته... زوجي من تزوجته وهو قاسي وكلامه مثل السم وشديد تزوجت وكان البيت مافيه اثاث الا قطع فرش شريهن من الحراج وفرشهن وهن وسخات قلت ماعليه ماوقفت الحياه على اثاث ماكان يجيب اكل الا مرة او مرتين باليوم من برا لان ماعندي اغراض مطبخ ولافرن ولاثلاجة نقاشته قلت ماابغا اكل من برا ابغا اطبخ انا متعودة في بيت اهلي ع ثلاث وجبات زعل وتنرفز والى وقت قريب وهو يستهزي بالكلمه ماعلينا قلت تمشي الحياة ماوقفت ع اكل.. حتى الحمامات والمطبخ مافيه سخان كنت اسخن المويه بقدور على النار علشان اقدر اتروش... البيت قديم وهو راتبه زين ...احيان يصير شكاك بس يفتش جوالي...مع الوقت اثث البيت باجهزة زينه وكنب وفصلت لي غرفه ع ذوقي كنت احبه حملت بطفلي الاول سالني انتي حامل مني قلت الحمدلله كنت احسبه من الفرحة قال كذا لما فكرت فيها كانت شك فيني لكن حطيت نفسي مافهمت ابغى الحياة تمشي اما فترة الحمل كانت احيانا ماالقى اكل ابد ويوميا ابكي اسلوبه جارح ولدت وطوال الاربعين وانا ابكي بعد مارجعت لبيتي ماصار يدخل غرفه النوم الا للنوم طوال وقته على الابتوب ماكان يصير بيننا شيء ابد كان عايش بعالم لم ثاني وانا اطنش شوي واحيان اتكلم واسلوب صار اشد من اول اذا دخلت عليه سكر الابتوب وهو خبرته بالابتوب ضعيفة لالله اعلم وش عنده ماعلينا طنشت وكملت حياتي هذا منغير الاهمال بلليت والمطبخ كان يتفل بوجهي اذا صحيته للصاة وهو عليه سمات الالتزام الوبي ترا هادي مو عنيدة كنت اذا تاخرتوانا اصلي قال صلاتك صلاة يهودجبت طفلي الثاني وسلوبه سم واحيانا يكون كريم معي هو متقلب الشخصية اتعب وانا افهمه حتى اخته تقول عنه هو غير اخواني الان صار لايصلي ةلصلوات بوقتها يجمعها واسلوبه ززززفت ولاينام معي الا بالشهر مرة كانها اداء واجب ترك غرفه النومصار ينام لحاله اخذ ولده من طليقته لكن كان يضربه ضرب وانا افكه منه وااهاوش نفرح اذا طلع او نام قلت لام زوجي عن ولده وهاوشت وتاب كم يوم ورجع هالحين انا في بيت اهلي كرهته ماعيد علينا ولا ارسل لنا مصروف من شهر 10وفيه مواقف كثيرة لي معه مؤلمة لكن ماابغا اقولها من كثرها هو كريم مع الناس وطيب لكن معي ومع ولده شديد يااخوات اسلوبي ملخبط لكن انا ابغا حل هل ارجع واتصبر علشان اولادي او اجلس في بيت اهلي معززة مكرمة لكن اخاف ياخذ اولادي لانه حقود وعنيد ابوي يقول لاترجعين كفايه اهانه لك والحرمة اللي تبغى تعيش معه لازم تكون مثل حريم اول بالصبر واذا خرب شيء بالبيت لازم يقعد شهور يصلحه والا مايصلحه احيانا اذا عصب يقذفني بشرفي