اول حاجة كل عام والجميع بخير
ويارب يجعل بلدنا امن وامان ويديمه عليه
انا بستشيركم بحاجة
انا انسانة مااحب وجود الخادمات بالبيت
بس مع الاطفال والعمل بما اني موظفه بديت بحاجتها
المشكله اني مو متقبله وجودها بالبيت
لاسباب
اولها بيتي صغير بس الشغل مايخلص
يعني ماعندها غرفة خاصه بها ودائم بوجهي
بيتي شقه
ثاني شي انا انسانة اخاف على عيالي وماارضى فيهم
وهم الله يهديهم حركيين بقوة ومايجلسون
يعني طول اليوم اضف وراهم حوستهم
وانا وسواسة نظافة ونظام مااحب الحوسه والكركبة
لاانا ولازوجي جمعنا الله مع بعض
نطافة ونظام وترتيب
والشي الثاني ان زوجي عسكري ودائم سفر مع العمل يعني مايمر اسبوعين بدون مايسافر
فاخاف على نفسي منها
فمحتارة خاطري فيها ومتردده
اذا ذكرت اني انام اي وقت واصحى اي وقت
عيالي متطمنه عليهم بغرفتهم
خصوصا انهم بنات الله يحفظهم
لاني اوسوس مرررره بخصوصهم
يعني انا جربت قبل وحده بس لما تجي بنتي تشكي منها انها ضربتها ودي اعنفها بس اذكر انها يمكن تنتقم وتردها لها وانا مشغوله عن بنتي باي شي ثاني
وبنفس الوقت اذا ماهاوشتها اخاف تتمادى وتضرب
تتعب نفسيتي بوجودها
بس اذا ذكرت المدرسة والكرف اصحى من4 الفجر عليها الا12 بالليل ارحم حالي
لا وزائد علي هالسنه بنتي بتدرس واكيد بتعب معها
وفوق هذا يمكن افكر بالحمل اذا ربي اراد
االخياله @aalkhyalh
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
كل عام وانتِ والجميع بخير وسلامه
نصيحه مني لك اولاً:- دام بيتك صغير لاتآخذين شغاله
محد أرحم ع العيال من امهم
وثانياً:-إذا بتآخذين خذي وحده تجيك فتره وتروح مثلاً تجيك العصر إلين العشاء او المغرب وتتوكل.
ثالثاً:-أنا عندي شغاله وهي فتره تجيني وتروح م تجلس بس مع العيال ولقافتهم صارت تتكلم عليهم مع انها طيبه بس العيال ينرفزون اللي مايتنرفز الله يصلحهم.
وأخيراً الله ييسرلناو لكِ مافيه الخير😊