صدقيني كل ماكانت نيتك صافيه بتصفى لك حياتك مع زوجك وابنائك وبرهم بك مستقبلا باذن الله فلا تتاخرين ابدا في اصلاح نيتك
وتعديل اخطائك
الاشخاص الي مثلها يجرونك لمتاهات الحقد والبغض وداومه من المشاعر السلبيه بدون اي فايده
لا منه زوجك تركك او تركها مجرد حقد قائم والشيطان يشعل فتيل الفتنه يفرق بينكم ويدخل لكم من باب الغيره لانها نقطه ضعف النساء

انتي لاترسلين لها شي
ابداي بنفسك واذا شافت منك هالتصرفات باذن الله بتهدى وتتعدل بشكل تدريجي

بما انها عندك في الواتس اب
اولا اتركي التوبيكات الغراميه والمباهاه بعلاقتك مع زوجك الي هو زوجها كمان لان هذا بيخليها تزيد من كرهها لك وتحس انك تقصدين ازعاجها او شي فاتركيها واي صور رومانسيه اتركيها اقتصري على الادعيه واي شي ثاني واحتسبي عند الله

ثانيا حببي اولادك في بعض اولا وخليهم متكاتفين وعلميهم من صغرهم ان الاخوان مالهم الابعض
وحكيهم عن اخوانهم من ابوهم
مثلا كنتوا تسولفوا عن شي مضحك قولي حتى اخوك فلان مره صارتله وحاولي تبرزي شخصيه اخوهم ويخليهم يعجبون في اخوهم ويتمنون ان تكون لهم علاقه سليمه معه ان شالله

خلي زوجك يجيب اولاده منها او ياخذ اولادك المهم يجمع الاولاد لو مره اسبوعيا
وخليهم ياخذون هدايا لاخوانهم
وسوي انتي حلى وقهوه وارسليه معاهم توددي لها بالهدايا لها ولاطفالها
اذا عندها مناسبه بعائلتها زواج او احد ولد من اهلها او طلع من مرض باركيلها بسلامته و شاركيها افراحهها واتراحهها و قومي بواجبها زي ماتقومين بواجب اي حرمه من برا

لما تراسل زوجك اكتمي غيضك والله لك اجر حبيبتي واحسني الظن فيها وتعوذي من الشيطان ولا تتبعين جوال زوجك
واستغفري كثير ولا تستفزك ابدا لان تصرفاتها مو دليل على عمق علاقتها ع زوجها ابدا فلا تثير غيرتك ولا تخلين الشيطان يدخل بينكم بسبب رسايل

الشي او التصرفات الي تحسينها اذتك و اثارت غيرتك و زعلتك منها تفاديها واتركيها حتى ماتاذينها احرصي على عدم اثاره غيرتها او زعلها واكسبي اجرك عند الله والله مايضيعك وبتشوفين كيف ربي يسخرلك الدنيا لانك طلبتي رضاه فعلا

استغفري لك ولها كل مااستفزتك بشي قولي الله يغفر لي ولها
وقدمي حسن النيه على سوءها و جيبيلها اعذار وانسي الموضوع ولاتفكرين بحركاتها كثير انسيها وتناسيها وتجاهليها
والله انتي بترتاحي لما تطلعي نفسك من دوامه الغيره و الحرب البارده لانها منهكه لك ولها

خلاص الي صار صار و انتي ماشالله كونتي اسره مع هالرجل فالمفروض تبذلي جهدك ان تكون اسرتكم باذن الله مترابطه
وحرصي على زوجك مايذكرك عندها بشكل يثير غيرتها او يذكرها عندك بشكل يستفزك
وقوليله يقرا عن العدل في التعدد
يمكن مقصر معاها بشي وهي تحط هالتقصير بسببك فتحاربك انتي
المفروض تعرف ان حياتك مو مثاليه برضو واكيد عندك مشاكلك الخاصه



ذكريه بالعدل
وان عدله هو الي بيخلي اولاده مترابطين مستقبلا وعلاقتهم ان شالله احترام وتقدير ولاتشمتون الناس بكم
والله ماحد كسبان بالقطيعه غير الشيطان والناس التافهه فلا تفتحون لهم مجال

الله يجمع مابينكم بالحب والاحترام ويعين زوجك على العدل و الموازنه بينكم

اوصيك بالدعاء في صلاه الليل صدقيني بتلقين اثره بعد فتره ويمكن اقرب لان ماتنرد دعوه فيها باذن الله

حطي نفسك مكانها وخذ عليك ثالثه ايش شعورك؟؟؟؟
زوجها وحلالها وهي فرحته الاولى ومن حقها ترسل له وتتصل عليه ،،، انتي ليش تتضايقين ؟؟؟؟
بعدين البيوت أسرار مانقدر نقول من اللي يستفز الثاني ومن اللي يخطئ الا لما نعيش بيناتكم ونحكم

ب الله تحبين زوجتس وتغارين عليه وم ودتس تكون بينكم ميانه بس عشان رضا رجلتس الحلو

الحين انتي متزوجه الرجال وانتي خابره انو متزوج ويسحب وراه بزارين

وتقولين احبو واغار عليه؟ تغارين عليه من مين؟ لا تصدمينا وتقولين من الاولى؟

اذا انتي ي الثانيه قلتي هالكلام وانتي مالتس الا 4 سنوات

اجل هي ي زوجتو الاولى اللي تزوج عليها وحطتس عليها وش تقول ؟

ولابعد من زين العلوم تغارين عليه منها ي تسبدي تسبداه

وليش يعني لو مثلاً بزارينها تعبو ولا صار عليهم شيء كايد وهو عندتس ممنوع تتصل؟

تقول لا خليكم موتو ي اطفالي الحلوين واصبرو لين م يجي ابوكم بكره

الحين م اقدر اتصل مو يومي

سلامات وش هالتفكير المريض

يعني تزوجتس خلاص يومتس لتس وم ترسل ولا تكلم ولا تطلب ؟

ع كيفتس هي

م بقي الا تحددين الوقت اللي تكلم فيه زوجها ولا تمسج لو ولا تطلب والله هذا اللي ناقص

قالت وش اغار اقول خل عنتس الخثاريد اللي مالها سنع

ئال شو تستفزني وش تبي فيتس تستفزتس

الزواج من معدد مهو عيب ابد

ثانيه ولا ثالثه ولا رابعه دام تزوجتيه عن قناعه ودام راضيه فيه

بس العيب وقلة الحيا انتس تبين تحطين ل رجلتس نظام وقانون يمشي عليه

يعني زوجتو من قبل ل يعرفتس ويتزوجتس وعايشه الحياة طبيعيه


ترسل وتكلم وتطلب وتروح وتجي ع وجهتس الحين صارت هالحركات استفزازيه؟

صارت يوم تتصل تبي شيء ولا تسولف ولا ولا مشاكل تأثر ع حياتكم

والله هذي المصخره

خليك في حالك وهي في حالها

بلا رسايل بلا خرابيط

وبعدين وين المشكله اذا ارسلت له او اتصلت عليه وهو عندك ؟؟؟

الحمدلله والشكر بسسس

الله يكون بكونك وتقبلي كل الردود بصدر رحب انتي سالتي وكل وحده ترد على حسب مفهومها والله يكتب اللي فيه الخير اوصيكي يا اختي بالدعاء انه ربي يالف بين عيالك واخوانهم وابعدي عنها احترامكم يبقى