محتارة بموضوع اولادي

السلام عليكم
انا حابة آخد آرائكم لأني مو قادرة آخد قرار انا حاسة حالي بين نارين والتفكير قتلني. والله لا يحط حدا بالموقف.
مثل ما الكل عارف انو انا منفصلة عن زوجي من سنة ونص.. اخدت اولادي وعشنا عند اهلي لأني من رابع المستحيلات اقدر افتح بيت لوحدي.. الحياة عنا جدا غالية من كل النواحي .. وخلال فترة الانفصال ربيت اولادي التلات وكنت اسمع كل أنواع الحكي من اهلي انهم متدايقين وتعبانين من المسؤولية وكلام وكلام وكلاااااام . .. بس اجى الوقت اللي ابني الكبير 6 سنوات بدو يدخل المدرسة بعد شهرين وطبعا هاي مسؤولية كتير كبيرة.. فبدأ بابا يسمعني كلام انو هو مو مستعد يتحمل مسؤولية دراستهم هو وأخوه اللي رح يدخل الروضة لأنو هاد الشي مو سهل .
وراح اتصل بأبوهم وخبروا انو يسجل الولاد بمدرسة قريبة عليه .. وييجو عندي زيارة كل نهاية أسبوع أما الصغير اللي عمرو أقل من سنتين رح يضل معي.
هل رأي بابا صح ؟!
أو اني اسجلهم بمدرسة عندي واتحمل مسؤوليتهم لوحدي واتعب لوحدي واعاني لوحدي وابوهم متزوج وعندو ولد من زوجته وعايشين مبسوطين وولادي عايشين بالإهانة مع اهلي والكل هون متدايق منهم .
لو سمحتو ياللي بتقرأو الموضوع تعطوني رأيكم
وشكرآآ