محتارة بين كلام المراخات وبين كلام الدكاترة

في البداية ..

ياليت كل من تدخل تدعي لي حتى لو ماكتبت لي رد ... يكفيني دعائكم في صدركم ...

مشكلتي يمكن البعض صار يعرفها ..

الماي حوالين البيبي قليل ... و الراس فوق ..

موعد عمليتي يوم الاثنين الاسبوع الجاي ... اتمنى أولد طبيعي ...

الدكاترة اجمعوا لي على العملية ... سواء دكتورات القسم أو المستشفى ... مع العلم اني رحت اكثر من مستشفى وشفت اكثر من 3 دكاتره ...

ورحت مثل مانصحوني البعض للمراخة .. رحت إلى ثنتين ... ومافي مراخة بتقول روحي سوي عملية ... قالوا لي لاتروحين تسوين العملية .. مع الطلق راح ينزل راس البيبي لتحت وتولدين طبيعي .. حتى مع كلامي لهم عن الماء القاصر حوالين الطفل .. واحتمال اختناقة .. وقالوا لي تمشي ..

طبعا أنا حالياً بالأسبوع 38 موعد الولادة الطبيعية هو 25-1-2006
بينما موعد العملية هو 16-1-2005

و اهلي في من يقول لي توكلي على الله وسوي العملية ولاتخاطرين بالطفل وحياته .. وفيهم من يقول لي لاتسوين العملية والله راح يفرجها إن شاء الله .. طبعا ونعم بالله ولا اعتراض على مشيئته ...

لكني اسألكم المشورة واسمع كلام من واخلي من ..

في بالي في حال ان ما جا الطلق لحد ليلة الإثنين راح اتوكل على الله واسوي العملية شنو رايكم أخواتي؟؟ من خلال تجاربكم ومن خلال تجارب اللي تعرفونهم اسمع كلام من واخلي من لو اسوي اللي في بالي مع العلم ان المشي موب زين لي يعني المفروض اني مااتحرك واجد حتى مايقل الماء أكثر حوالين الطفل .. يعني المشي ممكن يضرني أكثر من انه ينفعني

طولت عليكم ..

معلش سامحوني بس و الله من حيرتي موب عارفة شسوي ...

لاتنسوني من خالص دعائكم فأنا في امس الحاجة له ...