في زواج اخت زوجي
هذا الاول
وش اللون اللي اختاره ...احيانا افكر يكون موف بس بدرجه اغمق من هذ اللون ...واحيانا افكر يكون فوشي
الموديل مثل ماني ملاحظه يحتوي على خامتين ..الخامه الاولى .. الى الحين ما عرفت وش هي
الخامة وش تقترحون تكون وكم اخذ متر ...بصراحه ما عندي خبره في هذا الخامه..بس الخامه الثانيه الدانتيل ماراح اشتريه كلف لانها راح تكلفني كثير لا بشتريه قطعة قماش كامله والخياط بقصقصها ..بس المشكله ما اعرف اذا كان .3 متر يكفي
التنوره طبعا بتكون درابيه.(.ما ادري صح علي كلمه درابيه ..ولا لها اسم ثاني) الين الركبه
حركة الدانتيل راح اخليها تبدا من عند الركبه .((.لاني احس ان كذا احلا بكثير من انه يكون من نص الفخذ ..ولا وش رايكم ...خاصه اني انا.. شوي ...شوي ..عريضه من تحت ))....وبخليها من قدام بطولي ومن ورى ذيل خفيف يعني اطول ب 20 سم ..ها وش رايكم
والله ما ادري اذا كان هذا الموديل راح يسمني ..لاني انا مليانه اقرب للنحف ..وما ابغى امتلي اكثر
بالنسبه للاكمام انا راح اخليه تبدا من بدايه الذراع ...عشان الستر
وموديل الصدر ..اعتقد انه دانتيل درابيه من فوق داير ما دار ..ومن اسفل خامه اخرى بس عليها شرايط من الدانتيل ..ومن ورى وقدام ..صح علي ولا لاء
وهذا الثاني
حلو هذا ولا موديل قديم
ةوش رايكم فيه ..اعتقد يبغالي 3 متر قماش شك ..ومتر ونص للقماش الشيفون ...بس انا ابغى الاكمام تكون ساتره شوي عشان الستر...عشان كذا فكرت اني اسوي كم اللي بسمونه الحاير بعني واسع من عند نهايته ..وهذا بسويه في الجهه الاخرى اللي ما فيه ورد
بس الجهه الي فيها ورد ..الا الحين ما لفيت لها فكره للكم ..فياليت اللي عندها فكره تقولها لنا
وياليت الرد يكون سرييع لاني ها الايام راح انزل للسوق
تكفون ...تكفون ................تكفون ...ترى كلمة تكفون تهز جبال
انا اشوف الموديل الأول اجمل
ولونه روعه ،، وإذا حابه تغيريه فالفوشي اروع
وبما انك مارح تشتري الدانتيل ،، فااقترح تدمجين لونين مع بعض
مثـــــــــال :
وردي + فستقي
اورنج + باذنجاني
او فوشي + تركواز
والقرار عندك
اما ملاحظاتك ،، فااعتقد انها صائبه
ولاتخافين ترى مابيسمنك ،، بل على العكس راح يفصل جسمك تفصيل