محتارة تصرفي صح أو غلط

تزوجت وتأخرت بالحمل والحمدلله عندي ولد ، ساكنة بشقة فوق منزل أهل زوجي ، (والدته كبيرة بالسن وإخته) ، علاقتي بالجميع حسنة ، أنزل يومياً أتغدا معاهم وأساعدهم بالغدا وأطبخ معاهم وأتغدا ، من بداية زواجي إخت زوجي تعاملني بمزاجية وسلبية ، مرات معاملتها زينة ومرات ينرفز وتحسسني إني غير مرغوب فيني ، وتكذبني وتهاوشني وتخلي فيني العيوب ، هذا غير النغزات ، وتقول لي أن لا أنزل دام عندي مطبخ بشقتي ، وتغار مني ، مع إني أطلع معاها ولما تحتاجني أوصلها المكان اللي تبي ، وسلفتي اللي تجاورني ما عندها مطبخ بشقتها ، وتنزل طول الوجبات (الفطور والغدا والعشا) ، تساعدهم وتنظف ، ونفس الكلام تقوله سلفتي إني ليش أنزل دام عندي مطبخ بشقتي ، مع انزيلغتي حبوبة وحليوة بس احياناً يطلع منها كلام يضايقني ، ظليت على هالحال تقريباً أكثر من 3 سنوات ، لما ولدت بطفلي صار سوء تفاهم بيني وبين سلفتي وهاوشتني ورمت عليي كلام ، صار لي فترة أنزل قليييل ، لما أطلع أو أنزل أدخل البيت أسلم على أم زوجي وأقعد شوي ، فهل تصرفي صحيح ؟! وشنو رايكم ؟!