محتارة جدا" أرجو المساعدة

السلام عليكم
حبيت احكيلكم اش بصير معي
الشهر قبل الماضي اخذت كلوميد كل يوم حبتين من اليوم الثالث للسابع و لكن للاسف لم يحصل حمل و هذي كانت اخر محاولة طبعا غير المحاولات الكثيرة السابقة )لي قبل ما الجأ لاطفال الانابيب
بعدها قررت اروح الطبيب عشان ابدا باطفال الانابيب
ال اشي الغريب ان دورتي الشهرية اجت قبل وقتها باسبوع و هذي اول مرة بعمري يصير معي هيك و بسبب قدومها مبكرا لم استطع اخذ الابرة التحضيرية في نفس الشهر وقال لي الطبيب ان انتظر لليوم 17 للدورة لاخذ الابرة التحضيرية و فعلا جاء اليوم و اخذتها و قال لي تبدئي اليوم بحب مانع الحمل عشر حبات كل يوم حبتين و تأتين لعندي تالت يوم الدورة
ومن اكم يوم جاءت الدورة الشهرية و لكنها على غير عادتها خفيفة جدا فذهبت للطبيب و حكيتلو انها خفيفة كتير حكالي ما بياااثرو بديت في الابر احكالي بتاخدي كل يوم خمس ابر و بترجعي بعد خمس ايام عشان نراقب الاباضة
رحتلو من يومين حكالي البيوض صغيرة الاستجابة مش كافية و رفعلي عدد الابر ل ستة يوميا و حكالي بترجعي بعد خمس ايام
في اشياء بدي استفسر منكم عنها
هل اتت دورتي قبل الماضية باكرا لاني كنت ماخدة كلوميد؟
هل معقول انو اذا الدورة خفيفة جدا على غير عادتها لا يوثر على الاباضة؟
هل عادي انو بعد خمس ايام ابر لم تكبر البويضات جيدا؟
من لما بلشت ابر تنشيط عندي انتفاخ فظيع في بطني و معدتي و سوء في الهضم و تشنج كولون هالشي طبيعي ؟
اول نبارح حسيت بحرارة داخلية بجسمي و الم في كل مفاصلي كأنها فلوزة داخلية؟ هل الفلوزة ممكن تاثر عالسحب و الارجاع ؟
ارجو مساعدتي
شكرا لكم