محتارة جدا ..هل هذا تنازل وذل ولا حب ؟؟؟

السلام عليكم ورحمة الله وبركاته
أسعد الله اوقاتكم بكل خير
عندي موضوع ومحتارة جدا ومالي بعد الله إلا أنتم لانو الموضوع حساس جدا ومااقدر اشاور أحد من طرفي
المهم القصة هي ..
أنا كنت متزوجة من تسع سنين وانفصلت برغبه مني بسب اهلي ورفضهم لتصرفات زوجي وحسيت بلحظه انو يااهلي وأمي يازوجي وكانت
مشاكل معهم حتى قربت اخسر أمي هو كان طيب ومحترم لكن ماكان فيه قبول من اهلي واي تصرف يعتبرون الموضوع كبير
جلست معلقه سنه تقريبا كان رافض وعارف انو الطلاق عشان أهلي ..
حصل الي حصل وتطلقت ..
بعد سنين تقريبا 9 سنين تواصل معي وخبرني برغبته فيني وانو مازال يفكر فيني ويبغاني وأنا بصراحة لسع بحبه تعرفون الحب الأول مايروح بلحظه
وعمري مانسيته اتفقنا نرجع لبعض ..
هو تزوج بعدي وحده وجاب ولد وبينهم مشاكل قوية جدا ولها 4 شهور عند اهلها ..
ويقول فترة سنه ويكبر الولد ويطلقها وياخذه عنده

ولسع ماطلقها ويقول بيخليها عند اهلها عشان الولد يقول اقدر اروح وارجع عند اهلها على كيفي وماانحرم منه وهو صغير الولد تقريبا 8 شهور
ويقول مو عشانها وأنا زوجته وحبيبته ومن هذا الكلام
أنا رفضت تماما الموضوع وقلت لوطلقتها تعال ؟؟
هو زعل مره وقال انحرمنا من بعض زمان وانو سبب المشاكل أنا وانو مازال يفكر فيني وهي حاسه انو مايبغاها ومن هذا الكلام
حتى اهله عارفين يقولون مانساك نهائي
بصراحة أنا محتارة هل أقبل وبعد الزواج اخاف يرجعها ؟؟
ولا ارفض وتعتبر ماهي تضحية
تسعدني مشاركاتكم ....