محتارة رايكم ضروري بموضوع زواج

السلام عليكم ورحمة الله وبركاته

عساكم بخير يابنات

انا كتبت موضوع قبل كذا واخذت رايكم في زواج العازبة من مطلق ولكن انا حاليا ودي اكون صريحة اكثر علشان تقدرون تفيدوني بناءا على تجاربكم ايتها المتزوجات والمطلقات والارامل وحتى العازبات


انا تقدملي واحد حاليا عن طريق صاحبتي في العمل وقالتلي ان الرجل معجب جدا ونيته سليمة ولكن هو وده يكلمك الاول يشوف رايك ومتطلباتك قبل ما يتقدم علشان ما ينحرج فكلمته وادري انها غلطة ولكن الحمدالله فعلا طلع صافي النية ولكن انا محتارة شوية لما عرفت مواصفاته فارجو يا بنات كل وحدة فيكم تحط نفسها مكاني علشان تعطيني الراي السليم

هو عمره 33 ...وانا عمري 26


انا عازبة ....و هو مطلق من فترة طويلة 8 سنوات وعنده بنت ولكن هو على حسب كلامه يتواصل مع البنت بس وقال ان مطلقته جيدة وكل شئ ولكن الحب والمودة من عندالله وللاسف انه كان لا يشعر بانها المرأة اللي ممكن تمارس معاه هواياته وسفراته فتم الطلاق من اول سنة وقالي انه صعب عليه جدا ان يقول سبب الطلاق على حد قوله ولكن يقول اسالي امي واختي لانه طليقته حاولت اني ارجعها ولكن انا اشعر ان صعب عليه ارجعها واظلمها معاي لانها فعلا ما تناسبني وفيه تنافر من ناحيتي


هو يشتغل كمسؤول للعلاقات العامة في شركة وانا اعمل في جهة حكومية في قسم المالية


قالي انا راح اكتب لك مؤخر عالي جدا علشان تتطمني اني مش لعاب وانا مستعد اكتب بيتي اللي راح ابنيه باسمك واسم اطفالي مستقبلا ولو في يوم طلبتي قطعة مني راح اعطيكي اياها


هو فيه عيب في انفه بسبب خبطة وتعب في عينه ايضا ولكن قالي راح يعمل عملية لتسويتها قريبا ولكن لا اعلم اذا كان اللي فيه حاليا حول ولا ايش ...

قالي انا لست بغني ولكن بحاول اعمل كل مافي قدري علشان اكون جيد ماليا ولكن راح نسافر شهر عسل وراح اسعدك والخ ..........ولاحظت يا بنات ان هو محدد الدول اللي راح يسفرني اياها ومحدد القاعة اللي راح يعمل لي فيها العرس فاستغربت


لاحظت يابنات ان حالته الاجتماعية اقل مني كموظفة من ناحية الراتب والسيارة (نقاط بسيطة ولكن حبيت اذكرها لانه قد تهم البعض كتفاصيل )


انا فعلا محتارة لانه متحدث رائع ولكن به بعض العيوب او بالاصح النواقص

قولولي رايكم لانه بجد محتارة لانه فيه تفاصيل معينة في طريقة الحياة قالي اياها تشبه حياتي ولكن هو مختلف عني ماديا واخاف لما اعيش معاه يطلع كذاب

حطو انفسكم في مكاني يابنات فهل اتشجع واقول لاهلي عنه ولا اسكت واقول له مافي نصيب؟؟