انا واحدة عمرى 22 سنه حبيت واحد جدا جدا جدا بس للاسف والدتى رفضته لانه لسه قدامه كتير ع ميقدر يتجوزنى ويفتح بيت وقالتلى مش تكلميه بس انا مقدرتش وكلمته وكان عندى استعداد اواجه الدنيا علشانه المهم حصلت احداث كتير وفى يوم جه وقالى انا بظلمك معايا ووافقى ع اى حد وهو بيعمل كدا علشان بيحبنى وسبنا بعض وفى الفتره دى جالى عريس ووافقت عليه المشكله انى مخطوبة بقالى 3 شهور ولم أشعر بأى شىء نحية خطيبى يعنى اما بيجى مش فارق يقعد كتير شوية عادى مش لسه بيوحشنى واما بنخرج مع بعض بحس انى مش مرتاحة واما بيمسك ايدى مش ببقى مبسوطة وببقى مش قابله دا بس هو كويس وشغله كويس وطيب وابن ناس وبيحبنى لانه اكيد مفيش حد بيستحمل حد كدا مش مديه اى نوع من انواع الاهتمام الا اذا حبه اانا حاسه انى مش قادره اسعده لانى لسه بحب الشخص الاولانى وبغض النظر عنه انا فعلا مش قادره احس حاجه نحية خطيبى خالص مفيش احساس القشعريره اما يمسك ايدى مفيش احساس الفرحة بيه ومش متخيله ازاى هتجوزه وهبقى معاه زوجة وقررت انى افك الخطوبة بس اهلى فى البيت حساهم زعلوا اما قولت كدا وقالوا انى مدلعة وانى بتبطر ع النعمة وانى بظلمه كدا وانا مش عارفة اعمل ايه ولا عارفه احبه ازاى
أرجو المساعدة والنصيحة لانى بجد مش عايزه اظلم الى اتخطبتله
sweetgirl_fh @sweetgirl_fh
عضوة جديدة
يلزم عليك تسجيل الدخول أولًا لكتابة تعليق.
نــــــــجــــلاء
•
الله يكتب لك الي فيه الخير
فعلا اختي حرام تظلمي واحد وتعيشي معاه وانتي تحبي واحد تانيونصيحتي لكي اختي حاولي تنسي الاول وتعيشي حياتك وبالتوفيق
اللهم انك عفو كريم تحب العفو فاعف عنا
استغفر الله ..استغفر الله ..استغفر الله
لا اله الا الله
سبحان الله
استغفر الله ..استغفر الله ..استغفر الله
لا اله الا الله
سبحان الله
الصفحة الأخيرة