المووهم اني مابطول عليكم باختصار أني أنا ضايفينني بقروب بالواتس وفيه بنات كثير شوية يمكن عشرة ومنهم كلهم ما اعرف الا صاحبة وحدة قريبة منها ووحدة منهم كانت صاحبة قريبة ومعد صرنا صاحبات لكن شوفو ايش !! أنا مو معادية اي وحده ولما تكلمني اي وحدة على عيني وراسي ما احمل حقد او شي :) لكن فيه حاجة كانت فيني وحاولت اصلحها خلال الست شهور الماضية وتقريبا تغيرت شوية ، أنا ياجماعة يقولولي اني طيبة بزيادة وكانت بطريقة تجيبلي مشاكل يعني مرة كان تفكيري بريء ونظيف اني البنات اساعدهم وطيبة معهم معناته صاحباتي لدرجة كنت احب ارضيهم "ابغى اصفق نفسي الحين" المهم قمت من هالحلم والحمدلله وعرفت ان معضمهم استغلو طيبتي وكانو يتمصلحو مني حتى القريبين أبد ما كانو معتبريني كأني بشر وصديقة لا انا مصلحة بس وهذا اللي طرطعني والحمدلله قررت اتغير واخلي نفسي وطيبتي اخليها للافضل :icon31: وبنفس الوقت عرفت مين الصاحبة ومين المصلحجية المهم ياجماعة اني معد صرت اتفتح مع اي شخص وانصدم بعدين انهم يسحبو علي يعني انا اتفتح مع اي بنت واتصرف معها كأنها صاحبة وذي كانت مشكلتي مع شي اسمه حدود ما اعرف انه فيه ناس ماتستاهل واني كنت اضيع وقتي ، لكني استوعبتها اخيرا فصرت اتصرف معهم طبيعي وأحطهم مكانهم يعني هم مو صاحبات مقربين اصلا ، تركت المحادثة بالقروب معهم مدة طويلة وبعدين صرت ما اتكلم ابد اصلا وحسيته غلط ؟؟ وجلست افكر لو نفسي تتسد اكون بقروب زي ذا لييش جالسة لكن صدري ضاق لأن صاحبتي كانت هناك وتقضي وقت معهم بعد فحسيت هي صاحبتي ياخي اروح استانس معها واحسها بتطفش بدوني اصلا وعشان اختي نفسها راعيته ، عرفت انه لازم فيه حدود مو معناته يا نتهاوش يانتصالح لا فيه شي وسط وهاذا هو سؤال كييف اتصرف ساعات يخز بنفسي واحسني زايدة معاهم ومالي داعي اصلا وتتسد نفسي من البنت الثانية اللي تكلمت عنها فوق وبالوقت نفسه احس غلط اني اتركههم المهم طولت عليكم شوفو سؤالي:icon20: :
أنا ابغى اتصرف معهم بطيبة وبدون سحبة لكن بحدووود!!!!!!!!!! كييف اسوي كذا وانا كل مابي اسويها اتذكر اللي سووه معي واخاف يفكرون انهم لسه مستغبيني ولاعبين علي (اقصد اللي كانت صديقة وتركتني)!!!! وانتو تعرفون بعض الناس كيف تضحك معها شوية تفكر ان اللي صار بالماضي عادي!!!!!!!!!!! وهذا شي ينرفزني كثييير يعني هل انا مفروض رحت هاوشت يعني؟؟؟ تخيلو وحدة تتمصلح منك وتتركك وتجيك بوجهم مرة ثانية لو كلمتها بادب تخيلو تفكر اني انا لاعبة عليي وعادي لما تمصلحتي مني مو شي يجيب الضغط؟ بينما هو بالحقيقة يبقى فكرة عندهم لأنهم حتى لو حاولو يتمصلحو مني مستحيل بقلهم ايه بصرفهم يعني السالفة كلها زي التفكير وخيالهم هههههههههههههههه يله ابغى شوية افكار منكم وانا بتصرف بالباقي :)))
اهم شي تعرفوني ما احب احقد على احد فحتى اللي استغلوني ابغى اتصرف معهم بطريقة صح اجاريهم بالكلام بس بحدود يعني مو كأني لسه صاحبتهم ومتعمقة معهم
