هلا والله اختي سمانة
بالنسبة لقسمي جغرافيا وماخذه دورة كمبيوتر ومو متزوجة



الظاهر اعطيتكم تفاصيل حياتي بالكامل

لكن يالله عادي اخواتي

عزيزتي بداية الموضوع أحب أقولك أنه في دراسة في بريطانيا على الأحداث (الصغار اللي عاملين جرائم) وجدوا أن 70% منهم أمهاتهم عاملات ....

هذي أول حقيقة ولو رحت لعلم نفس الأطفال فإنك راح تجدين أن الطفل هو ابن الأربع سنوات الأولى يعني شخصية هي اللي تتكون في هذا السن فلا تخلي الشغالة هي اللي تصنع شخصية بنتك....

الشي الثالث أنك الحمد لله منت محتاجة لهذي الوظيفة فما في داعي ....

كمان راح تجدين نفسك مزحومة ومنت فارغة لأي شي في حياتك إلا لها وراح تكرهين الروتين ورا يمل زوجك من التذمر والرجعة متأخر والأنشغال عنه في التصحيح والتحضير وغيره ....


أنا عن نفسي كنت مصممة على الوظيفة لكن وجتها غير مفيدة خصوصاً أنها تاخذ أكثر مما تعطي ولا جلست في وظيفه أكثر من أسبوع أحس أنها تسرقني من نفسي وبيتي ....

والشهادة خليها للضرورة فهي وسيلة مي غاية ...

وإذا خايفة من الملل فعندك الدورات في أي مجال تحبيه ممكن شهر وبعدين ترتاحي وترجعي بعدين وهكذا وأوقاتها مريحة وحلوة .... تقطع عنك الملل وتخليك على اتصال بالدراسة بحيث لو حبيتي تشتغلي بعدين عندك رصيد يساعدك على القبول ...

وما خاب من استشار واستخار ,,, استخيري والله يوفق

أختي سمانة تخصصي علم بيولوجي(أحياء)..أنتظر ردك

أختي بسكوته ضحكتيني لما قلتي( انبسطي واصبغي ورقصي هههههههههه وتتمتعي بعمرك)قراها زوجي وقال هذي زيك!!
عشان انا اموت في شئ إسمة صبغة وانا من صبغه لصبغة...عموما تسلمين على الرد, فادني كثير

اختي مع الايام,تسلمين ياروحي وإذا مافيها كلفه عليك ممكن تقوليلي على دورات أحد ماخدها ومبسوط منها...
لاني سألت على دورات نيوهورايزن ومحد مدحها لي وماني عارفه فين اخذ دورات كمبيوتر!!! وابغى دورات
تجميل ممتازة ومعليش على الازعاج..

إللي عندها لاتبخل الله يسعدكم انا مرة متحمسه...


أختي نبض والله كلامك صحيح وعجبني ردك كثيـــــــــــــــــر الله يسعدك ويريح بالك..



أختي ام ردينه.. خوفتيني بكلامك وانا ماني ناقصه خوف على بنتي!!أخاف عليها حتى من الهواء
لكن تسلمين وبرضوا ريحني ردك الله يعطيك الف عافيه..


ورجاء رجـــــــــــــــــــــــــــــــــــــــــــــــــــــــــــــــــــــــــــــاء خاص..
أبغى تدلوني على دورات ممتازة الواحد يستفيد منها..


ألـــــــــــــــــــــــــــــــــــــــــــــف شكر للجميع..إللي ردوا واللي حيردوا

كورس الكمبيوتر ادا كانت عندك لغة يمكن تتوظفين لان الوطيفة ها الايام ما تتلاقى بسرعة

اما الجغرافيا غسلي يدك منها رحت الديوان وسئلتهم عن جغرافيا قالوا ما راح يفتح تقديم للجغرافيا

اما الاحياء هو موجود الان يبون مدرسات احياء ولكن غربية 6 او7 سنوات والاولاد في مكان و الزوج في مكان

والله ادا كان المجال الا بتشتغلون فية قريب روحوا لكن ادا كان بعيد جلسوا با البيت الى اولادكم احسن

وانا صراحة با النسبة لي ادا تخرجت ولا توظفت المهم حياتي الزوجية تكون مستقرة في المستقبل ان شاء الله

اختي ام مسك
احسست انه من واجبي ان اكتب لك رد
اذا استطعت ان تتوظفين فلا تفرطي في الوظيفة ...... لان الوظائف هالايام صعبة او مستحيلة
ان مثلا متخرجة لي ست سنوات ...... ثاني سنة من تخرجي جتني وظيفة لكني تركتها بحجة اني توني متخرجة ......
والان انا في حالة نفسية صعبة من الندم على مافات وعلى تفريطي في الوظيفة ....
وازداد الما وحسرة عندما ارى زميلات لي في الدراسة اقل مني تقدير ومستوي .ولكنهن موظفات وربات بيوت ...
يعني اغلب الموظفات لديهن اطفال وزوج ومع ذلك لم يشتكين ....

تحياتي لك