محتارة في جنس الجنين !!!!

السلام عليكم ورحمة الله وبركاته

كيفكم كلكم مع التعب ؟؟ الله يسهلكم ويسهلي يارب

اخواتي انا مررره محتاره في جنس الجنين ... ماسرت عارفه بنت ولا ولد !!

في البدايه في الاسبوع الـ 18 قالت بنت !! وقلت الحمدلله
بعدين في الاسبوع الـ 20 قالت ولد !! وقلت الحمدلله
رجعت مره تانيه في الاسبوع الـ 27 قالت مو باين حاولت تحرك البيبي ما اتحرك !! واصلن انا في نفسي قلت خيره خلاص مو لازم اعرف

بس اني مررره مني عارفه اقضي ولا عارفه اختار اسماء !! حاسه اني ضايعه !!

قبل اسبوع او 10 ايام تقريبا .. كان عندي مغص واختبارات ومررره كنت مضغوطه ف قلت خليني اتطمن عالبيبي .. رحت عند دكتوره في مستوصف غير الدكتورة اللي اتابع عندها .. وقلتلها ابغا اسوي التراساوند واتطمن !
وانا بسوي الالتراساوند .. اشتغلت اللقافه وسألتها باين بنت ولا ولد .. قالت لسه ماوصلنا استني !!
شويه الا اسمعها تكلم اللي معاها ويقولو انو مرره باين انها بنت .. وشوفي كيف يمديكي تعرفي على طول انها بنت!
فـ انا كنت لوحدي وما احب اسأل متأكده .. ولا احب اقولها وريني فين وكدا .. سكت !
بس اني مررره احترت زياده .. في حملي الاول ماكنت اسأل بنت ولا ولد .. بس اصلن كانو كلهم متفقين انو ولد .. يعني ما جا احد بالغلط قال لا شكلو بنت .. فهمتو عليا !!

حاسه اني طولت في الكلام .. سؤالي هوا ايش تتوقعو الاصح .. وفي ايت فتره يكون باين اوضح؟؟؟

وشكرن لكل من ردت عالموضوع .. ويارب يرزقكم اللي تتمنوه :)