محتارة في شغالتي ؟؟

أسعد الله أوقاتكم بكل خير ..
عندي موضوع جدا مقلقني وهو موضوع شغالتي
عندي 3 أطفال ربي يحفظهم ويصلحهم ويرزقنا برهم ولدي الكبير في المدرسة ..
والوسط السنة القادمة بأدخله الروضة إن شاء الله ..
وطفلتي الصغيرة عمرها سنة ونص وحامل ..
وباقي على ولادتي 4 شهور تقريبا بإذن الله ..
وماعندي شغالة بحكم إني كنت أقدر أمشي بدون شغالة لكن الحين مرة محتاجتها ولكني أكرههههههههه الشغالات مررة
لما جاتني شغالة مؤقته في بنتي في النفاس ماصدقت انها راحت ..
وزوجي أضعاف كرهي للشغالات يكرههم معروف حتى عند أهله
وكمان يقيدوا من أخذه من راحته في البيت ..
والحين تعبت مع الحمل ومهددة بالاجهاض لاقدر الله وتلزمني الراحة ..
وماعد أقدر على بيتي وبعدها نفاس وأهلي مو في منطقتي وأهلي كمان سافرت شغالتهم يعني أزمة شغالات ..
فاستخرنا الله إنا نقدم شغالة واليوم أبو زوجي رايح يقدم شغالة هندية لهم وقاله زوجي شوف لنا معاك
ومن يوم قلي وأنا قلقانه أخاف تضايقني
أو تجي مو كويسة ..
قلي زوجي ناخذها سنتين لما تولدي بالسلامة ويكبر النونو شوي ويكبروا الاولاد والوضع يضبط وبعدها إن شاء الله تقدري
تعتمدي على نفسك ..
بنات لو أحاول أضغط على نفسي وأمشي هل رح أقدر ولالا ؟؟؟
بس تكفون طمنوني الي عندهم شغالات كيف مرتاحات لأني
أنا الوحيدة الي من أهل زوجي الي رافضه الشغالات وأغلبهم معاهم شغالات
بس مررررررررررررررررررررررررة شايلة هم ومحتارة الله يختار لي خيرته الطيبة ..
وإش الشروط الي ممكن أطلبها ..
قلت لزوجي لازم شروط قال بس مسلمة وخلاص
وأنا أحس العمر مهم وحالتها إنها تكون متزوجة وإنتو إش رايكم من خبراتكم؟؟