محتارة وابي رايكم

انا حسب حساب دكتورتي اللي اتابع عندها باقي لي يومين واكمل 39 اسبوع
يوم السبت اللي راح كان عندي موعد معاها وجهزت اوراقي على اساس بكره الاربعاء ادخل من الساعه 4 الفجر المستشفى علشان يولدوني بطلق صناعي لأن معي سكر حمل
طبعا هذي ثاني دكتورة اتابع معها لان في حملي هذا لان دكتورتي اللي تابعت معها في حملي الاول سافرت وانا في الشهر الثالث وهي بس اللي انا خبرتها بالتاريخ اللي حصل فيه الحمل لأنه اليوم الوحيد اللي كان فيه علاقة زوجيه بدون عزل وما توقعت احمل فيه اصلا لأن كان باقي على دورتي 5 ايام بس واعتبرناه انا وزوجي انه يوم مأمون ومضمون بس صار فيه حمل والحمدلله على كل حال رضينا بقسمة رب العالمين
دكتورتي هذي حاسبة لي حملي من آخر دورة جاتني ومعتبرتني خلاص في نهاية الاسبوع 38
يوم السبت قاسة لي كم فاتح الرحم عندي والرحم ما شاء الله فاتح عندي 3 سم بس ما احس بطلق واذا حسيت فيه كان دقايق وراح وعدا يومي بدون بوادر طلق ثانيه
المهم الحين بكره موعدي للطلق الصناعي وخايفه منه ومدري اروح او اطنش
عطوني رايكم