محتارة وابي من ينصحني

السلام عليكم
انه عندي بنت الله يخليها لي ويحفظها عمرها سنة وخمسة اشهر .. وحامل باقي لي في التاسع اسبوع ع موعد ولادتي وابتديت افكر بجدية شلون احاول ارتب وضعي بين طفلين رضيعين ومحتارة خصوصا انه نفاسي راح يكون في شقتي وماعندي غير ام زوجي فديت قلبها مريضة .. خلاصة الكلام محتارة وخايفة من مسئوليتهم .. شلون مثلا اقدر ارتب طريقة نومهم وثنتينهم راح يكونوا معاي انيمهم وابوهم راح ينام في غرفة منفصلة غالبا لانه دوامه من الساعة خمس الصبح ومضطر يداوم لانه وضعنا المادي يحتاج انه يداوم فيه الحمد لله.. ابي الامهات ينصحون انه كنت حاطة في بالي انه مااحمل نرة ثانية الا وبنتي كبيرة شوي بعني ع الاقل 3 سنوات بس الحمد لله ربي كتب لي الحمل الله يقومني ع خير وكل حامل ويرزق كل محروم ..
اشلون اقدر اوازن بين انه مااظلم طفل منهم ع حساب الثاني خايفة من هالنقطة اخاف يأخذ المولود كل وقتي واهمل بنتي وتكسر خاطري .. ما لي قلب .. اخاف نفسيتها تتأثر ..

كنت افكر اوديها حضانة ابوها قال لي حرام صغيرة لاتوديها ... وعدني يجيب لي خدامة واخرها تكنسل ع اخر شي ورجع في كلامه بسبب ازمة وحاليا ما يبي يجيب لي خدامة ..

واكل من بره ما يبي ياكل .. يطوف الوجبة اذا ماطبخت بس ماياكل من بره .. اللهم الا العشا ممكن يتنازل فيه ..

وملابس المغسلة مايرضى يودي يستكره يستنجس ..

يعني هو اغسل ملابس واكوي واطبخ وامسح وانفخ وطفلين شلون ارتب اموري ممكن تساعدوني احط جدول ..

شلون اتعامل ويا الوضع .. وفي الاربعين شلون اقدر اهتم بنفسي في ظل هالوضع .. مع العلم اني في بنتي انفكت الخياطة لاني ما كنت اقدر ارتاح واجلس وماابي الموضوع يتكرر اضطر لعملية ..

ساعدوني الله يجزاكم خير