محتارة وش أسوي .. ساعدوني تكفون ,,

بسم الله الرحمن الرحيم
حابة أطرح عليكم المشكلة اللي صارت معي واتمنى تقدرون تساعدوني لاني والله مو عارفه أيش اسوي ..
قبل شهرين تقريبا صحيت من النوم ولاحظت شي غريب ف شعري شفت نص شعري الايمن متشابك بشكل غير طبيعي حاولت أمشط شعري وحاولت افككه لكن بدون جدوى ..

وريت زوجي وحاول يفكك شعري كمان بس ماقدر حاولت احط على شعري زيت زيتون وافركه وافككه لكن ماتفكك رحت غسلت شعري بشامبو لكن مانفع ..

مرت الايام وشعري زاد ف التشابك مع العلم أنو طبيعة شعري ناعم والنصف الايسر من شعري ماجاه شي المهم رحت 3 مراكز تجميل أدور حل لكن مالقيت حل غير قص الشعر لكن كيف أقصة والتشابك من فروة رأسي الى الاطراف ..

على فكرة قبل مايتشابك شعري ب ليلة كنت معزومه عند قريبتنا وأخذت من أثر الحريم اللي شاكه فيهم وتوضيت وغسلت بنية الشفاء لكن ماتغير شي واستخدمت زيت زيتون وماء زمزم مقري عليه وللحين مافي نتيجه ..

أيش أسوي وش الحل أفيدوني أثابكم الله ,,