محتارة وماعندي احد اسئله غيركم ...زوجي مخيرني وانا مترددة

اول حاجه احب اقولكم ان المنتدى هادا نفع كثيرين خصوصا الي زي حالاتي لاتروح ولا تجي ولا ليها احد تستشيرة في امورها الخاصة
الموضوع اني من فترة قدمت على خدامة لاولادي وجاتني وليها عندي خمس شهور بس مو مقتنعه فيها ماهي مساعدتني بالشكل المطلوب في اولادي مرة ضعيفة اذا شالت ولدي وعمرة سنة ونص احسها بتطيح ماعندها قوة جسدية وغير كدا ماتعرف تاكلهم ......بس مستفيدة منها من ناحية ابني الصغير عمرة ست شهور ترضعه وتغيرله وتقوم معاية في الليل اذا صحي وتغير له اكثر من مرة في الليل.......بس لما افكر في اولادي الثانين وانها حتى ماتقدر تشيلهم مع انهم صغار ولا تعرف تاكلهم ولا تحب تكون معاهم لانهم يبغوا احد ينتبهلهم ويمشي معاهم.....تبغى تكون مع ولدي الصغير وبس.. عشان كدا زوجي اقترح علية انه نتنازل عنها ونجيب شغالة تانيه بس انا خايفة ....خايفة اجيب وحدة تكون مو طيبة مع اولادي ؟؟؟
بس لما افكر ان ولدي الصغير يكبر ويحتاج زي اخوانه لاحد يجري وراة ويشيله احسها ماتنفع؟؟؟؟
انا في حيرة ساعدوني بارائكم الله يخليكم