محتارة ومدري شسوي مع موانع الحمل !!

انا تزوجت وقعدت سنتين و4 شهور ماحملت
كان عندي هرمون الحليب مرتفع
وضعف مبايض
وميلان بالرحم
وخلل بالهرمونات
المهم بعد هالمدة حملت بفضل الله ثم العلاج
وبعد ماولدت قلت ابي انظم الحمل ماابي احمل على طول بعد النفاس
وحذرتني الدكتورة من اكل اي مانع حمل
وماسمعت كلامها واكلت حبوب منع الحمل لاني ماودي اجيب بزران ورى بعض تعب صحيح اني متشفقه الحمل والحمد لله ان الله رزقني بس ماابيهم ورى بعض
المهم اكلت الحبوب تقريبا سنه او 9 شهور وتركتهم بعدها استنى الحمل ماحملت
رجعت الدورة تتلخبط من جديد
بعدين رحت اكشف عند الدكاترة قالوا لي هرمون الحليب زين وسويت اشعه انابيب وطلعت سليمه
بس الدورة مو منتظمه مدري ليه ؟؟
المهم جلست سنتين لا استخدم حبوب مانع
ولا اكل علاج للحمل لان مافيني شي
المهم بعد السنتين حملت الحمد لله وكنت على اعصابي خفت اني مااحمل والكل يلومني ليش تاكلين حبوب وانتي مبايضك كانت ضعيفه
المهم الحين ولدت للمرة الثانيه ومحتارة استخدم حبوب لمنع الحمل ولا لا ؟؟
لاتقولون لي لا لاني توني طالعه من النفاس وحملي كان متعب بالحيل
وماابي احمل بالفترة الحاليه
مثل ما انتم عارفين الحمل تعب اوله وحام 3 شهور وبعدين ثقل مااقدر اتحرك من كبر الكرش
وبعدين ولادة عسى الله يرحم الحال
ونفاس غثيث حر وعرق مو طبيعي وكل شي بارد ممنوع وووووو0000الخ
ماادري شنو استخدم مانع حمل ؟؟
الواقي مافيه متعه على قولتهم
والحبوب اخاف يسون لي ضعف
واللولب يسوي نزيف ومو مضمون
والعد ماينفع لان الزوج مو مضمون
شلون اعرف ان مبايضي الحين نشيطه او لا ؟؟
رجاء ردوا علي بسرعه وابي رد معقول ومقنع
وسلامتكم :(