ياختي اهم حاجه عند المراه كرامتها فلازم انها ما تفرط فيها هذا اولا
وثانيا تقنع نفسها انها جميله ولايهمها كلامه
تشخص يعني( تتزين )نفسها على سنقت عشره وتتوكل على الله وطنشه
تعاماله نفس معاملته لها مايكلمها.. لاتتكلم معه ولا تعبره
تحط همها في عيالها وبس
واذ قال انتي منتي حلوه.. تقول ماطلبت رايك انا واثقه من نفسي والحمد لله
ولا ينام معها تنام في سريرها وتقول الي مايبغى ينام على هالسرير يطلع
وتحاول تدخل اهله من اب واخوان وتشوف وش الحل معه
واهم شيء تسال الشيخ هو يجوز تعيش معه ولا لا(لانه مايصلي يعني كافر )
وتتوكل على الله وتلزم الاستغفار ليلا ونهارا وتصبر ان الله مع الصابرين
بندوريييي

بندوري المفروض مانكفر شخص وهو يقول لااله الاالله

كثير من الشباب الله يصلحهم يتهاونون بامر الصلاة ومالنا الا الدعاء لهم اهم شئ في امر الصلاة تتطنشة عشان مايزيد في عناده وتصبر وتشووووووف

ومثل ماقلتي تتشخص وتهتم في عيالها وهو بسلامتة يقول اللي يقوله

يارب سخر زوجها لها واهديه ونور قلبه بالايمان وسخر ازواجنا لنا ياااااااااااااااااااااااااااااااارب

حديث عن الرسول عليه الصلاة والسلام (( العهد اللذي بيننا وبينهم الصلاة فمن تركها فقد كفر ))
خليها اول شي تقول له انه اذا ما بيصلي ما يجوز لها تعيش معه
ومسألة الجمال ممكن تقول له انت شايفني قبل الزواج وعاجبك شكلي والا ليش تزوجتني
خليها تهتم بنفسها وتتشيك عشان على الاقل ما يكون له حجه
وبعدين لازم تفهمه انه ما يحق له ابدا ابدا انه يهينها حتى لو كانت مو جميله ، وهي ام اولاده الاربعه ، لازم تدافع عن كرامتها

وانا بعيده عن الموضوع ولا اعرف وش حذافيره بس اعتقد انه يتحجج بمسألة الجمال .. والله اعلم

الله يعينها ويصبرها ويفرج همها

السلام عليكم
مساكم الله بالخير جميعا
احنا معاك يا ام ملوكي ومع صديقتك قلبا وقالبا

لكن انا ودي اوضح نقطة مهمة جت ببالي
انا اعتقد والله اعلم ان موضوع الجمال هذا موضوع حساس وهو معتمد بالدرجة الاولى على المرأة نفسها
شلون؟
انا بنظري اذا المرأة مقتنعة وعندها ثقة بنفسها ولا تشكك في مستوى جمالها حتى لو كانت مثل ما تقولين مستواها فوق المتوسط او حتى متوسط فان ما ينطبع عند الاخرين هو نابع من ذاتها يعني ...
اذا هي مقتنعة انها جميلة فهي راح تزرع عند زوجها وتملي عليه و تقنعة انها ما فيه احلا منها
ولو كانت ملكة جمال وثقتها بنفسها مزعزعة فهذا راح ينطبع عند الاخرين ويحسون انها ولا شي
اللي ابغاك تفهمينه وتفهمينه لها ان اهم شي انت... يعني اذا كنت واثقة بروحك ومهتمة بنفسك على اساس انك جميلة فتأكدي انه ما راح يهمك ولا يؤثر فيك كلامهو وجهة نظره بالعكس هي راح تغيرها له
شوفي حبيبتي اذا الرجال من هالنوعية المفروض انك ما تتاثر نفسيتك منه بل طنشيه ومثل ما قالوا اهتمي بنفسك عشان نفسك اولا وبتشوفين اذا ما جاك ركض
والصلاة ما دام انه غير منكر فانا عندي ثقة بالله وامل عظيم انه راح يتوب ويهديه الله لكن ادعي له
ارجع اقول لك لا تحسسينه انك متضايقة من كلامه والا حتى متأثرة به لاااااااااااااااااا يهمك ..

انا مع صمت مليون بالمية في كتاب الرجال من المريخ والنساء من الزهرة للكاتب جون جراي كتاب اكثر من رائع.
ارجو اني اكون افدتك..
تحياتي.:24:

الغالية بندورى تسلمين عيونى على الرد لكن مسالة ادخال الاهل فى الموضوع ماعتقد راح تسويهالانها جربتها ومانفعت وبالنسبة لكافر ياليت تتاكدين لنا من هالكلام او اذا وحدة من الاخوات عندها معلومات عن ترك الصلاة والكفر ياليت تفيدنا .
الغالية ام فايز ( اعتقد انه يتحجج بمسألة الجمال ..)ايش قصدك ممكن توضحين اكثر.
الغالية ام هلال ماقصرتى كفيتى وفيتى وما تتخيلين قد ايش رفعتى معنويااااااات اختى .
وبانتظاااااااااااار اراء البقية.