محتارة و خايفة 🥲

عزيزتي المسألة مو مسألة ما يرد بالطقاق السؤال كيف تراسلينه ما حسيتو بالذنب وعادي الوضع
حتى إذا تزوجتو ( الشك ) راح يعيش معاه إذا ع قولتك يحبك يجي عند الباب مو من الدرايش والجوالات
محتارة وخايفة أكيد لأن بالخش والدس وهو ضامن متى ما غاب ورجع يلقى تنتظرين رسايله
هذي خيرة إنه ما يرد شهد أنتِ جوهرة ثمينة ما تقبل ياخذها الا المحترم واللي ما عنده يمين يسار
فكي التعلق :- لا تفكرين فيه أبد قولي أكيد معه نت وما يبي يرد أبركها ساعة، وتذكري من علق قلبه بغير الله عُذب به الحل تخلصي من مشاعرك العاطفية تجاهه .
الله يوفقك في حياتك .

عزيزتي انتي بعدك صغيره بالعمر
والفرق بينك وبينه كثير حوالي 17 سنه !
يعني فرق شاسع بالنضج العقلي والخبره في الحياه والعلاقات هو عاش وشاف ومر بتجارب كثير وانتي العكس
والشي المهم عمره 37 سنه معقوله مو متزوج ولا خاطب من قبل ؟
وانتي كيف عرفتيه ووثقتي فيه لهذي الدرجه
اخس الموضوع فيه شي غلط وهذي العلاقه غير متكافئه
وبالنسبه لرجل بعمر 37 سنه اذا كان جاد صدقيني كان تقدم لك وخطبك رسمي من اهلك ماراح يضيع وقت اكثر من كذا
انتبهي لا تعلقين نفسك بالاوهام وانتي لسه صغيره ما تعرفين الاعيب وخبث بعض الرجال
لا تسمحين لمشاعرك تاخذك لطريق الغلط وترمين نفسك على شخص ما يحط لك قدر وقيمه ويتسلى فيك ويستهلك ويستنزف مشاعرك
ما استبعد يكون متزوج او مرتبط رسمي ويحاول يتهرب منك بعد ما اتسلى واكتفى
نصيحه لا ترسلين ولا تتواصلين معاه وانتبهي لمشاعرك ونفسك وادعي الله ان يجبر قلبك ويقويك ويرجعك لصوابك

إن شاء الله يكون مكتوبك 💗💗💗