محتارة يا بنات الله يسعدكم ويوفقكم ساعدوني

بسم الله الرحمن الرحيم

بنات اسمعوا قصتي واحكموا وشوروا علي وضرووووري الله يسعدكم قبل بكرة الصباح ..

أنا كنت ساكنة بالغربية ولظروف انتقلنا وقبل لا ننتقل قدمت على وظيفة بالرياض وبعدها بإسبوع اتصلوا علي
وقالوا تعالي عشان تختبري فاعتذرت وأجلت الموضوع عشان اصلا لسه ما استقلت ولا نقلت للرياض ..
وصلت للرياض وصرت الاحقهم بالتلفونات ليين حددولي موعد ورحت اختبرت وجلست اطارد وراهم يمكن 3 اسابيع لين قالولي اني نجحت وقالوا انتظري نحددلك موعد عشان المقابلة ..
انتظرت انتظرت وهم مطنشين .. قلت اجل خليني اروح الشرقية اغير جو .. وانا هنا اتصلوا قالو بكرة تعالي عندك مقابلة شخصية :09: قلتهم انا مو بالرياض وصعبة الاقي حجوزات قالولي طيب اجل نحددلك بعدين ..
رجعت الرياض وقدمت على أكثر من وظيفة وكنت قبل كل وظيفة استخير واروح اقدم وسبحان الله كلها تتعكس معاي يا اني ارسب او ما انجح بالمقابلة او اضيع المكان نفسه وما اقدر اوصل ,,

رحت لمكان ثاني قدمت فيه وسويت كل الاجراءات وانتظرت اتصالهم ومحد رد علي ولما اتصلت قالولي احنا حولناك لبرنامج السعودة وهالبرنامج ندرب فيه السعوديات الي مثل تخصصي لمدة ستة شهور ونعطيهم مكافأة مو راتب
قالولي تعالي عشان تختبري وصليت استخارة ورحت واختبرت وطلعت وانا ضامنة النجاح ..
قالولي تعالي بكرة في اختبار ثاني .. رحت واختبرت وطلعت وانا برضوا ضامنة اني ناجحة وبالفعل نجحت ..
اتصلوا وقالولي بقي آخر شي اللي هو المقابلة تعالي بكرة الساعة 11 ص قلت طيب ..
صليت خيرة وسلمت من هنا الا اتصلوا علي حقين الوظيفة الأولى وقالولي تعالي بكرة عندك مقابلة الساعة 11 ص !!

قلت افاااا حاولت أأجله ما رضت وقالتلي لو اجلتيه بتروح عليكي ..
اتصلت على الوظيفة الثانية وقالي خلاص تعالي الساعة 2 ظ
المهم صليت خيرة ورحت للأولى وسويت المقابلة .. اممم ما بدعت بس ما خبصت ..
وقالولي في المقابلة اني انقبلت ..
رحت للوظيفة الثانية ودخلت لقيت 8 اشخاص !! كلهم رؤساء اقسام .. سويت معهم وطلعت وانا متأكدة اني مقبولة لأني بدعتتتتت

وقالولي بكرة بنكلمك لو انقبلتي او لأ ..
وانتظر انتظر لا حس ولا خبر ..
وبعد تقريبا 5 ايام اتصلت على الوظيفة الاولى قالولي خلاص تعالي شوي عرضنا ولو عجبك سوي التحاليل وبعد شهر تداومي
قلت اخيييييييرا خلاص خيرة من ربنا ..
دقايق الا اتصلوا علي حقين الثانية وقالولي مبروك انقبلتي تعالي بكرة وقعي عقد وبعد يومين تداومي

انا هنا بغيت انجن :angry:

كل ما اسوي خيرة يتصلوا الاثنين بنفس اليوم ..
المهم رحت للأولى وطنشت الثانية ووروني العرض ووافقت وسويت التحاليل وقالولي تقريبا 3-4 ايام و تطلع
وانتظرت 4 ايام وداخلة على اسبوع والا الآن ما خلصت التحاليل !
بينما الوظيفة الثانية كسرواااا جوالي وهم يتصلوا ويترجوني اجي عندهم اوقع ..
انا قلت ما ابغى اضيع الاثنين ورحت شفت العقد بس ما وقعت وسويت التحاليل وقالولي لو تبغي داومي الحين ..!

انا قلتلهم عندي ظروف وبوقع الاثنين .. اللي هو بكرة >> قلت لعل وعسى الوظيفة الاولى تخلص التحاليل ويردوا علي

ف ايش رأيكم اروح لمين ؟

الوظيفة الاولى مميزاتها :
قريبة من بيتي 10 د بس
راتبها حلو
مكان مرررة نظيف ورايق وهدوء ومافي ضغط
والشغل يكون بس صباح ويومين اجازة وتقريبا 40 ساعة عمل
وعيوبه : انه مافي ترقية وفي نفس القسم اللي انا فيه كلهم اجانب انا الوحيدة السعودية :(
بس التخصص جديد علي واخاف اخبص وقالولي لو ما فلحتي فيه بنمشيكي :(

الوظيفة الثانية مميزاتها :
التخصص اعرفة كويس ومبدعه فيه ومافي سعوديات يشتغلوا بنفس المجال اللي انا ابغاه
مرررة يقدروا السعوديات ومحتاجين سعوديات ويرقوا السعوديات بسرعة
فيه سعوديات اشكال والوان
وبعد 6 شهور راح يعطوني شهادة تدريبية معترف فيها
بعد ال 6 شهور الراتب راح يكون اعلى من راتب الوظيفة الأولى تقريبا بـ الف وشوي
عيبها انها بعيده عن بيتي يمكن 45 د
المكان ازعاااج
بعد 6 شهور الدوام يمكن 50 ساعة بالاسبوع وضغط بالعمل واحتمال اشتغل بالليل
العقد اللي بوقعه سنة ونص اجباري ولو ما عجبني العمل لازم ارجعلهم فلوسهم !
اما الأولى اقدر استقيل بأي وقت ويقدروا يمشوني بأي وقت

سألت عن المكانين كلهم يقولوا كويسين وانا مررة محتارة وين اروح
احس الاثنين ميسرة معاي بس الثانية اكثر ..
اوقات اقول طيب لو الاولى شر لي ليش الموضوع مشي لين الأخير كان رسبت من البداية او خبصت بالمقابلة..
الناس اللي استشرتهم قالوا الأولى عشان لما تتزوجي تكون هالوظيفة مريحة بالنسبة لكي ( مدري متى بيجي هالمعرس )
والناس اللي قالولي روحي الثانية يقولوا عشان شهادتهم راح تنفعك والراتب اعلى وممكن بسهولة تمسكين منصب

بناات الله يسعدكم ساعدوني هذا قرار مصيري وراح يترتب عليه اشياء كثيرة ولازم بكرة اوقع للثانية او تروح علي