محتاره.....واحلامي دمرتني

بسم الله الرحمن الرحيم

السلام عليكم ورحمة الله وبركاته

بنات ماتتصورن اشكثر اني في حالة رعب وخوف بعد ماكنت عايشه في بلدي وقريبه من امي ومرتاح طلعت وجيت بالغربه لاسباب تافهه 8 اشهر واني بها الحاله بالي يم امي وابوي امي امي امي اموووووووووت عليها واهواي متعلقه فيها وهي هم نفس الشي والحمدلله والدي راضين علي بس رغم هاي كلش احس بتانيب الضمير لاني تركتهم وطلعت ومن طلعت وراها بكم شهر عشت بحاله نفسيه وكائبه حاده والي شفت البلاوي الي باوربا وبالي يم اهلي وكلت لزوجي خلينا نرجع ترى دنيا ماتسوى واحنا بعدين عن اهلنا وعادت وتقاليد اوربا مو بعاداتنا وتقاليدنا وكال كيف نرجع بعد مابعت كل شي وصرفت وهو حقه مالومه ويوم بيوم يزيد حالتي سوء وزجي كالي مادم انت بهاي الحاله روحي انت واني راح القى عمل واشتغل واجمع افلوس وارجع بس اصبري اشوي. فرحت لكن مو هينه باني اترك زوجي وارجع لكني فكرت اهون من الي الحاله الي انا بها وحطيت مده معينه لرجوعي لحد شهر 12 لان بهاي الفتره بلكن الحكومه السويديه تجاوبنا وتنطينا اقامه لاننا ماعندنا اقامه . حتى على الاقل افرح بها زوجي المسكين .واشوي ارتاحيت لكنني متردده ارجع بدون زوجي لولا؟؟؟ زين اذا مارجع وني حالتي النفسيه ؟؟؟؟

وثاني شي الي موتتني ومخليتني اعيش برعب احلامي بامي وابوي مره احلم اتكلي اختي اليوم تعالي ابوي راح يموت اليوم والله قمت واني مفزوزه وخايفه.وصارلي يومين حلمت احلم بامي بان اختي اتقولي امي مابقالها شي بالعيد راح اتموت . وحلمت خالتي اتكولي امج مارح اتعيش بهاي الشهر وراح اتموت.

بنات الله يخلكيم واوسوني كولو لي امي صدك راح ايصير بها شي ماتتصورين حياتي كيف مدمره بعد ماكنت البنت الي تهتم بنفسها وتضحك وتواسي الي محتاج وتنطي الي محتاج وهسه ناسيا اني امراءه وزجي المسكين يوميه نتهاوش ونتعارك ونتشاجر و...و...و...

بنات الله يخليكم ادعو لي بان الله يفرجها علي ويعطي الصحه والعافيه وطول العمر لواليدي الله يخليكم ويححق الي بالكم يارب

والاحلام الي تعرف شي اتكولي الله يخليكم سااااااااااعدوني ارجع واعوف زوجي لو لا؟؟؟؟

ودعائي الي كل من تساعدني