محتاره اش اكتب بس عن جد محتاجه مساعده

السلام عليكم
اخواتي عندي جاره مطلقه وعندها شاب مريض مو في بدنه لا في عقله
يقول اشياء ماصارت وانطوائي ولا يخرج من البيت
وانا دخل الحمام يجلس بساعات فيه لما هي تقلع السطح تقفل المويه
الولد كان شاطر في دراستو وخلص الثانويه واشتغل بس اش صارله مدري
يمكن بعد طلاق امه انتكس بس الان امه تعبانه معه
تبغى تدخلو مستشفى الطب النفسي
جلس فتره عند دكتور وتحسن بس الادوايه كانت غاليه عليها توصل ٣٠٠ريال غير الكشف ب٢٠٠
ودتو عند شيخ قالو مافي فيه شي يبغاله دكتور
الان هي قدمت في مستشفى الجامعه اعطوه موعد بعد شهرين
مسكينه وربي حالها يرثى له لو تبغى بريال عيش هي تنزل تشتريه وهو في البيت
لو ضغطت علي وخرجتو يجلس يوم كامل بره مو داريه هو فين
ياريت احد يدلني فين نوديه
في مركز في جده ممكن يستفيد منه
او اي اش والله انها في حاجه ماسه للمساعد
مو ماديه الحمد لله بس ماعندها احد يدلها
واللي ما تقدر تساعد تدعيلو وربي امه قلبها حزين ع ولدها