محتاره اوافق على ولد عمي ولا ساعدوني

السلام عليكمبكتبلكم قصتي علطول وابغى مشورتكمانا توي داخله في  سنه ادرس اولى كليه ..قصتي اني انا محجوزه لولد عمي من صغري وهو اكبر مني بسنه (الان هو رايح لثالث جامعة )انا مادريت عن اني محجوزه الا في المتوسط بس ماهمني هذا الشئ وللي فتح السالفه انو مره خطبني واحد اكبر مني بكثير طبعا امي وابوي رفضو من غير ماستشاروني ولو استشاروني برفض لأنه اكبر مني المهم انو ابوي كلم عمي على انو جا واحد يخطبني من باب انه يستشيره بالموضوع قاله عمي لا بنتك لولدي خلاص مافيها كلام وان شاء الله زواجهم بعد مايخلص دراسته<< هذا تقريبا قبل سنه ونصانا جاني الكلام من امي أبوي ينحرج يكلمنا ..في هذا الوقت انا شلت هم وصرت بس افكر بالموضوع بس استخير عشان قلت اذا مافيه خير ربي يصرفه عني اكثر شي قاهرني ان ابوي ماستشارني لما اقول لأمي كذا تقولي ابوك يدري انك داريه واذا جا يخطبك بيشوف انت موافقه ولا وماراح يغصبك..بس المشكله الكلام منتشر بين الناس ان انا له ومحد طلب رأي ):المهم انا قررت اسأل عمتي اللي اكبر مني بسنه بحكم انو ساكن في نفس القريه استشيرها وأشوف هو يبغاني ولا عمي غاصبه وكلمتها وسألتها عن محافظة لصلاه وأخلاقه وقلت لها جاوبي بكل صراحه اتخيلي انك مكاني قالت لي بجاوبك بكل صراحه الولد ماعليه كلام ومحافظ ع الصلاه وأخلاقه حلوه بس بعض الشباب لمايتزوج تكون اخلاقه وحشه مع زجتهطيب وسألتها هو يبغاني ولا لا قالت لي صراحه يا.... هو يحبك ويبغاك حتى حط الرمز السري حق جواله اسمك اخته كشفته وقالت لعمتي وقالت مستحيل عمك يجبره انو يتزوجك ..اللي انا محتاره فيه اني احس ان قبيلتنا ماعندهم أحترام لزوجه وهذا اهم شي عندي يعني يتزوجها ويكون يحبها يعيش معاها سنه او سنتين بعدين مافي حب بس تفريخ عيال وكرف كأنها خدامه واهم شي عندهم انها تجيب ولد كأنو شي بيدها وهذا اكثر شئ مكرهني اني اخذ واحد يقرب لي وانا فكرت اكلم ابوي واكسر الحاجز بيننا واصارحه اني مارتحت له لانه ماراح يعتبر سببي سبب انه يرفض ولد عمي..ايش رايكم اكلم ابوي ولا ؟وهل سببي صح ولا؟انتظر ردكم