من وجهة نظري اسحبي نفسك وخليك نوعاً ما رسمية واللي مش ضروري لا تروحي إذا كان أهل الخطيب فيه بكرة لو يتفركش الموضوع قالو إنت السبب دام تفكيرهم وصل لهالدرجة

مثل هذي المواقف يبي لها حزم

روحي لبنت اختك واختك بدون ما يكون فيه احد وقولي بكلمكم في موضوع مهم

وخليك واضحه قولي لولا غلاكم ما تركت بيتي وزوجي وجلست اخدم فيكم الا لاني احبكم وربي عالم كانك بنتي

والكلام ضايقني صراحه وقتل فرحتي وحسسني اني رخيصه

وانا نيتي لله

فانا وانتم بين حلين وانتم اختاورا

1) - انو ما اكمل معكم والوجه من الوجه ابيض لان واضح انو اهل زوجها راعين حكي وسماجه وممكن يزيد الكلام كلما سويت لكم شي وانا اهم ما عندي علاقتي معكم تبقى طول العمر ولا هموني .

2 ) - انو اكمل معاكم وودي اني اساعد وكارهه اني اشوفكم محتاجيني وابعد لكن لازم تنفق انو بكره بيزيد الكلام وبيرمى حكي منهم ومن زوجها وممكن يثقل العيار فاذا بتطنش و لا تهتم وتبعد علاقها فيني عن علاقتها فيهم ونكبر راسنا .

وقولي انتم بس اللي عارفين كيف احتمالكم ومشاعركم اذا تقدروا تكملو او ما تقدرو معاي

* نصيحه خاصه " اهل الزوج اذا مدحوا وحده من اهل البنت وزادوا في مدحها بطريقه مبالغ فيها يكونوا يبوا يطيحوا قدر واهميه الزوجه او يبغوا يوصلوا لها تراك مو زي ما انت متوقعه خليك متواضعه

فاحسن حل وصدقيني مجرب جدا مفيد

اذا انمدح احد كملي معاهم مدح وتحمسي وبيني الحب في عيونك للشخص الممدوح هنا ينجوا ويحسوا انهم ما حصلوا على مبتغاهم وانك ما اهتميتي او ما حسيتي باللي يبغوك تجسي فيه ويتركوا الحكي والرغي في هذي الشخصيه قدامك

لكن اذا بينتي غيرتك او انك متضايقه بتكون هذي هي نقطة ضعفك عندهم وبيستغلوها دايما في كل مناسبه وكل مكان ومع اكثر من شخصيه

وزوجها بعدين اذا دخلت عليه تفهمه انها عروس وطبيعي ما تقوم كيف اهله يفكرو !

وانو هيا اصلا شبهك تماما وطالعه عليك واذا ما تتضايقيي عطيها الاذن انها تقول انها احلى منك بعد ههههههه

هذا فقط في حالة جاب سيرتك قدامها واذا ساكت تسكت

يابنت الحلال وسعي صدرك ولاعليك

إسحبي نفسك من الموضوع نهائي
وإذا طلبو مساعدتك أو رأيك لا تقصرين ما طلبو شي منك خلاص طنشي

جميع من مروا هنا جزاكم الله خيرا وبارك فيكم