محتاره بستاير بيتي ........ وابي رايكم

بنات معقول 14 دخلو ولا احد قال رايه

ويش دعوى اكيييد لكم راي وحتى لو مو مقتنعين فيه صدقوني ممكن يكون رائع وبنضر غيركم هو المطلوب لان الناس اذواق
تكفون ابي اشوف ذوقكم لاني محتاجته وصدقوني حتى لو راي بسيط ممكن يفيد

وجزاكم الله خير

هلا حبيبتى
ترى كل موديل له خامته اللى تناسبه
وبالنسبه لى احب اخذ اقل لون فى التشجيره واسوي الستاره منه
وكل ستاير بيتى ساده ... ومافيها تكلف كثير
غرفة النوم ... جلد
الصاله اللى فوق ... رومانى بس مو متكلف مره ... بسيط جدا
وبس هذولى اللي فصلتهم

عزيزتي شهاليل

مشكوره يا بعدي ما قصرتي والله
بصراحه يكفي انك رديتي على وعبرتيني
وهذا من ذوقك

بس الستاير والله للحين ماني عارفه اختار لاي غرفه اي شي وزوجي غاثني يقولي كل يوم تأجلين بس الشكوى لله

اختي الغاليه .... ام فرح

انتي املي تكفيييين ابي رايك ما لقيت من يساعدني ومحتاره

1- مجلس الرجال
طقم اسباني جلد بني محروق مع مقاعد مخطط تخطيط حمار الوحش بس لون بيج وبني
الحائط سكري معتق بعسلي بس فاتح حيل
فيه شباك واحد
الارضيه رخام روزا : مدرى بس اتوقع لو تاخذين الستاره من نفس لون التخطيط
بس خليها طويله وموديلها ناعم وخامتها طايحه ... ممكن تفته وتزودين خداديات تفته
اخاف لو تسوين موديل متكلف راح يطلع المجلس مزعج وهذا مجلس رجال
اكيد فاهمه علي ....

2- مجلس النساء
طقم امريكي ثلاث قطع زيتي مخمل مع تشجيرات بسيطه وناعمه وارضيتها التشجيرات لون شاهي بحليب تقريبا
الحائط تفاحي فاتح
الارضيه رخام روزا
ولازم اضيف كرسيين للطقم ابي رايكم بالمديل واللون مع الستاره طبعا
فيه شباكين واحد صغير والثاني مقابله بس باب سحاب زجاج على المسبح

مافهمت كيف يعنى ارضيه التشجيرات ؟
قصدك انا الخامه كلاسيكيه ... وهى ارضيه بيج والتشجيرات عباره عن مخمل زيتى ؟؟
احس لو كذا الستاره تكون زيتى ... بيطلع افخم ...
والكرسيين كمان زيتى ... وانتى ممكن تلعبين بالالوان عن طريق الخداديات
والستاره هنا تقدرين تستخدمين لها موديل فيه تكلف بسييييييييط

3- الصاله السفليه
طقم امريكي الوانه الغالب بيج فاتح او رملي مع مشجر للمقاعد وجه وساده وجه يعني ممكن اخليه ساده واذا قلبتهم اخليه مشجر على بنيات فاتحه
الحائط سكري معتق بعسلي او رملي
الارضيه نفس الشي
الشبابيك شباكين من جه صغيره والمقابل زجاج سيكوريت ثابت كبيير وجنبه باب زجاج يشرفون على المسبح

خذيه من لون التعريقات والصالات احلى شي لها الموديلات الطوال اللى بها حركه ناعمه
مثل الرومانى او امريكي ويكون فوقها حركه ناعمه ...


4- الصاله العليا
كنب امريكي والله لونه ما اعرف اوصفه غريب شوي معتق
بس يمكن كموني او ترابي مع مشجر بالوان كثيره غامقه
والصاله مصممه مكسيكي وريفي يعني
الارضيه سرميك الواح بشكل الخشب المعتق
الحيطان منقاوي فاتح مع تعتيق خطوط بني محروق
فيه شباكين نفس الصاله السفليه وامامهم زجاج سكوريت ينفتح طبعا على تراس وجنبه زجاج ثابت بينهم عمود

احلى شي لما تدخلين الخوص هنا .. ولو انتى من الرياض فيه محل بالتحليه رووووعه
الظاهر اسمه رزان يفيد فى التصاميم ذىىى