السلام عليكم
كيفكم صبايا ان شالله تمام
وكل عام وانتم بالف خير يالغوالي وربي يتقبل مننا ومنكم صالح الاعمال
انا مثل مو كاتبه بالعنوان محتاره بموضوعين
الاول ان زوجي دوامه بالرياض وانا ساكنه عند اهله بالقصيم ويجيني خميس وجمعه وهالاسبوع عنده اجازه
تخطيطي من الاول انا وياه اني اروح لاهلي بالعيد لانهم بمدينه ثانيه
اليوم نتكلم سوا ويقولي خليه نهايه الاسبوع اوديك لهم ومره وحده لدوامه لان اهلي قريب من الرياض
ومو مشتهي اني اروح لهم ثاني العيد مع انه اول كان عادي
واهلي بيحطون عياد بالبيت وهذي اول مره نسويها بعد ماسكننا بيتنا ولما اقوله يقولي عادي مولازم مع انه اهلي جو مرتين للقصيم الفتره اللي راحت .. مره لزواج اخته ومره لتمايم ولدي ..
هو يقولي اجلسي دام عندي اجازه وخلينا نكون سوا ولو تبين اوديك بوديك وارجع بنفس اليوم ماراح اجلس
وامي بتضيق لو تدري لانها تبيني اجيهم بالعيد ... وقالي فكري وردي لي
انا ودي انه يحضر عياد اهلي ونقدر جيتهم لنا
وودي اني اكون معاه بس مابي يتعود انه عادي يروح العيد وانا ماشفت اهلي
شورو علي يالغوالي وربي اني محتااااااره بالحيل ...
والموضوع الثاني انه اهداني قميص نوم ...
وانا كنت مفكره اجهز حفله لنا بكره بس الحين احترت
البس القميص اللي جابه الليله ولا اخليه بكره عادي ..
لانه اول مره يهديني قميص نوم ومو عارفه متى البسه
شاااااكره لكم يالغالين ...
يلزم عليك تسجيل الدخول أولًا لكتابة تعليق.
حرف.الغلا
•
والله من رايي تجلسين مع زوجك وتنبسطون دام عنده إجازه وقلك إقعدي ولاحقه على أهلك تقدرين تروحين ثالث أو رابع أيام العيد والقميص خليه ليلة الحفله أحسن والله يهنيكم
وحتى انا اقعدي مع زوجك مادام عنده اجازه وكذا يمكن مخطط انه يسفرك بس مفاجإه
اقعدي وانا اختك
اهلك لاحقه عليهم فديتك
وردي له صدقيني بينبسط انك وافقتي تروحين معه
يلا تحركي ودقي عليه ياحبيبتي
اقعدي وانا اختك
اهلك لاحقه عليهم فديتك
وردي له صدقيني بينبسط انك وافقتي تروحين معه
يلا تحركي ودقي عليه ياحبيبتي
الصفحة الأخيرة