محتاره بورق الجدران ادخلو اعطوني رايكم وخبرتكم

طيب ممكن يتاثر بالخدش اخاف احد يلعب فيه من الصغار وينخدش او يقشره لي  ونخسر فيه ؟؟

على حسب نوعية الورق وشطارة العمال الي تركبه فيه انواع رخيصه وسيئه تتقشر بسرعه وتنفك بسهوله واحيانا العمال مايكونوا شاطرين ويركبوه اي كلام
انا حطيت في غرفتي وغرفة عيالي بجدار واحد بس ورق جدران ايطالي الجدارين كلفوني تقريبا ٢٠٠٠ ريال بس ماشاء الله قوي ويتحمل ولي ٩ شهور ساكنه وماتغير ولا تفكك وثااابت جداً

وبالنسبة للخدش وعبث الاطفال هذا يتوقف على الاطفال الي عندكم انا عيالي مااهتموا ولا مرة انهم يخربونه او يعبثون فيه يمكن لانهم مو مشاغبين الحمد لله لكن اذا كانوا الاطفال اشقياء ومشاغبين ومايتركوا اي شي مكانه ممكن يحاولوا يخربونه بشي حاد مثل السكين او يرسموا عليه

موفقه صاحبة الموضوع وبعد اذنك
الاخت قيود ذهبيه من وين اخذتي الورق تبعك واي مدينه لو تكرمتي

مانصحك فيه من تجربه..
شكله حلو ومتين وعليه ضمان اللي عندي 10 سنوات
بس بمجرد ماحركت الكنبه بقوه وحكت فيه انشق..
فمابالك باحد عنده اطفال ممكن يشققونه!
ليه تقعدين على اعصابك..
وعندي لك اقتراح الجدار هذا اشتغلي فيه بالبويه
اما لون مختلف ولا مقلم ولا من الاشكال الجديده للبويه
احسن لك وعملي اكثر وارخص ..
ورق الحائط يصلح لمجالس رسميه مايدخلوها اطفال..
اما اماكن الجلوس اليوميه للاسره مايصلح
بتصيرين بس حاطه يدك على قلبك.
وهذا مثال للبويه



امثله بسيطه للبويه
ممكن تكون احلا من ورق الحائط
والاهم انها اكثر تحمل للمكان اللي فيه اطفال.