محتاره بين امي وزوجي اللي يقولي لاتدخل بيتنا

اخباركم حوائيات ....

انا الله يسلمكم والده لي 12 يوم وطبعا بكريه وأمي الله يهديها مسسسسسسسستحيل تقوم بنفاس بنت من بناتها الا وحده من خواتي لأنها تنزف بعد الولاده....
كذا ماتحب ترتبط بنفاس يعني عادي عندها تطلع وتروح وتجي وانتي استقبلي الضيوف واكلتي والامااكلتي مومهم مادرت عنك وحتى لوقلتو خذي لك شغاله شهر وخذيها معك بيت اهلك بعد نفس الشي اختي والد قبلي والشغاله اللي جابتها صارت تشتغل لأمي ومهمله اختي وعيالها يعني مااستفدنا شي نفس الحال ومن سوء الحظ انه انشغلت بزواج اخوي بعد

وحتى انها ماشافتني الاخامس يوم ولادتي وزارتني في شقتي حالها حال الأغراب ماكلفت ع نفسها تجيب معها شي تقهوت ومشت ...

المهم اني 8 أيام وانافي شقتي وقايمه بنفسي وببنتي والحمدالله وانا في هالفتره من التعب ماكأني ولدت

مع اني في المستشفى يوم كامل اول ماولدت ماشكيت حتى من ظهري ....

والحمدالله تيسرت الأمور حصلت لي شغاله اجار بعد معاناه لدرجة والله ع حالي زوجي يبكي وهذا اللي قهرني زود

بس المشكله موهنا المشكله ان زوجي يقول امك لاتدخل لي بيت وان شفتها بطردها :44: لأن وحده نفسها حرام تصير ام ...وموعارفه كيف افاتح امي بالموضوع ولاكلفت ع نفسها ....

واليوم جات عندي عشان بيجوني ضيوف وحابه تشوفهم وبعد ماطلعو الضيوف


سألني زوجي من موجود قلت له امي قال صرفيها لااطردها وتعبت وانا اهدي فيه والحمدالله ورحت بجلس عند امي ولاشفتها قالت لي الشغاله انها راحت بيت اختي مشي ومن القهر حطيت حرتي فيه لأني حسيت فيها كل مااقول لها قومي توضي للصلاه قالت صبري يطلع زوجك :arb: مسبب لها رعب :42: وخايفه تكون سمعتنا او حست بشي لأن كان واضح علي متضايقه ومتوتره من اول مادخل زوجي للشقه ...

ومهما يكون هذي امي وهذا طبعها بس موعارفه كيف اقنع زوجي يتقبل زيارتها لي ومن ولدت زارتني ثلاث مرات وكل مره لازم بيسوي لي مشكله وطول ماانا جالسه معها يدي ع قلبي خوفي يدخل يطردها تكفون عطوني حل والله نفسيتي زفت.... موعارفه من ارضي :(

عذروني كلامي ملخبط بس والله من القهر موعارفه وش اكتب وش اخلي