محتاره بين بيتي وزوجي وبيت اهلي ورضى امي

السﻻم عليكن ورحمة الله وبركاته
بنات حابه استشيركم
من له حق اكثر اهلي او زوجي
بقولكم السالفه
أختي سار لها فتره تعبانه وتنومت وطلعت
ووقت ماهي متنومه كنت اصحى من الصباح واروح عند اهلي هم بجنبي
واسأل عنها واجلس الى قرب الظهر وارجع البيت واحيانا اتغدا عندهم واخذ غدا لزوجي لانه يكون نايم وارجع العصر يا اروح ازورها او اجلس اشتغل فبيتي او بيت اهلي
ومره اهملت زوجي
واول اسبوع مر ماقال شي ثاني اسبوع قالي انا عذرتك الاسبوع الاول اختك فالعنايه وتعبانه
بس الحين طلعت تنويم وان شالله تتحسن
وابيك تهتمين فاكلي ومﻻبسي والبيت قلت ان شالله واسفه على التقصير
وسرت اجي اهلي بعد العصر وﻻ بالليل
ولما طلعت اختي اول يومين اغلب وقتي عندهم حتى اول يوم اختي طلبت انام معاهم بس بنتي ماسكتت ورجعنا البيت قرب 2 بالليل
والايام الي بعدها اجي العصر تقريبا ويكون فيه ضيوف ماشالله يمتلي البيت
واذا تأخرت امي تدق علي تقول تعالي ساعدينا اختك نايمه (اختي عمرها 17 )
واختك الكبيره تعبانه من يدها ساعديها (اختي اكبر مني وعند اهلي من فتره زعﻻنه من زوجها )
وعلى طول اجي اساعدهم صح اتأخر بس اتجهز واجهز بنتي ﻻني اقوم متأخره قرب 2 الظهر عشان بنتي تسهر
واحيان تعصب علي تخاصمني لدرجة مره خاصمتني عند الحريم تقول بس فﻻنه تشتغل من الصبح تعبت وهذي فبيتها ماتجي وهذي نايمه
انحرجت وانقهرت فنفس الوقت والله اذا جيت اني اكرف معا خواتي والضيوف يجون باستمرار انهلكنا ماشاللله
واختي الصغيره تقول عادي صحوني مو تدقون عليها وتخاصمونها اذا تأخرت قالو انتي ماتقومين واذا صحيناك تخاصمين
بالله بسألكم من الاولى بيت اهلي وﻻ بيتي
ﻻن بجد الفتره هذيك اهملته بقوه ومعا كذا مقدر زوجي واحيانا يحثني اني انتبه لأهمالي
ونظامي الحين انام الفجر واصحى بعد الظهر واحيانا 3
اذا صحيت بدري سويت كبسه واذا 3 اي شي خفيف عشان يروح الملعب
وانا اتجهز واروح لأهلي عشان امي ماتزعل
ومعا كذا تقولي ليش ماتصحين بدري وتجين تساعدينا بأختك ﻻن اختي عندها جلطه الله يشفيها وماتجلس لحالها وتعرفون المريض طلباته كثيره
بس اختي الي بعمر 17 عندهم ليش مايقومونها من النوم نسهر سوا وننام سوا حتى هي اولى بشغل البيت مني
بس الحين سرت اخلص اغلب شغلي واروح عندهم
واول مايجون ضيوف امي تدق تقول تعالي ساعدي اختك واجي على طول


يابنات والله احترت بين بيتي وزوجي وبيت اهلي
ما ابي اهمل بيتي وﻻ ابي ازعل امي