السلام عليكم
كيفكم يابنات
انا من زمان متابعه معكم بهالقسم لاني بنقل شقه جديده ومحتاجه افكار والحين انا محتاره مره وابغى مساعدتكم واتمنى ماتبخلوا علي بالمشورة
يابنات انا قبل كنت ساكنه بشقه بس بسبب الظروف نقلت عند بيت اهلي في غرفه وحمام بس والحين الحمدلله برجع باخذ لي شقه انا وزوجي وبنتي بالمووووووووووووت طبعا جى قرار الموافقه على الشقه
المهم ما اطول عليكم
الحين لقينا شقتين وانا محتاره بينهم وابي تساعدوني اي وحده اختار
الاولى خلصنا عليها وحجزناها وكل شي بس عيبها وسخه مره وفي حي قديم وفي بيت طبعا مو عماره تحت بيت وفوق شقتين وحده احنا اخذناها انا مارتحت لها ولا للمكان بس بسبب حجمها انها كبيره شوي وافقت مع انه يبيلها شغل كثييييييييييييير وراعي البيت رافض يشتغل او يصلح لنا فيها وزوجي تعب وهو يراكض عليها يبي لها سباكه وتغير الانوار بالكامل والافياش للكهرب وبدون سراميكبعد يبغالها فرش والساحبات الهوا يبغالها تغيير وفي غرفه مو مصبوغه صبغها هو بنفسه واشياء كثيره في منها خلصه ومنها لسى مابعد وهي عباره عن غرفتين وصاله وحمام ومطبخ اللي عاجبني فيها المطبخ كبير وهذا اللي خلاني اوافق اخذها
والحين تونا امس لقينا شقه ثانيه وبنفس السعر بس في حي جديد وعماره جديده وحلوة الصراحه ونفس الشي غرفتين ومطبخ وحمام وصاله وعجبتني حييييييييييييل ونظيفه وهذا اهم شي عندي وسراميك ماتحتاج فرش بس عيبها انه المطبخ صغير وهذا اللي معقدني مع اني حييييييييييييل تحمست لها والحين موقادره اقرر وكل ماقلت لزوجي شرايك يقولي كيفك انتي اختاري مع اني احسه وده ناخذ الجديده عشان مايبغالها اي شغل بس ننقل عفشنا وخلاص عكس القديمه اللي حجزناها
وعلى فكره القديمه اللي حجزنا في واحد من ربعه يبغاها ينتظر زوجي يرد عليه عشان ياخذها وبيرجع لنا ان شاء الله كل اللي دفعناه فيها من مقدم وتكاليف التصليحات واحنا مادفعنا مقدم كثير تقريبا الف ونص بس
طبعا صار لنا ندور شقه 3 شهور او اكثر يعني تعبنا تعبنا وانا مصره ننقل قبل رمضان
بنات شرايكم والله محتاره ساعدوني والله مو قادره انام من كثر التفكيييييييييييييييير جاني اررررررررق
انا يهمني بالدرجه الاولى النظافه والكشخه صح الحجم بعد مهم بس احس الفرق بينهم في الحجم بسيييييييييط بس المطبخ اللي يفرق
ساعدوني ارجوكم
:(
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
shosho_72322
•
الجديده افضل بكثير من القديمه
Danayh
•
لو أنا بمكانك أختار الثانيه طبعآآآآآ يكفي انها جديده وبعماره جديده وبحي جديد وكشخه وسيراميك وحركات وبالنسبه للمطبخ ماأحس انو مشكله وبالتوفيق يارب
هلا وغلا حبيبتي انا انصحك بالشقه الجديدة وش يهم كبر المطبخ دام ما عندك الا ابو العيال والبنوته الله يحفظها
انصحك للمرة الثانيه اخذي الجديدة ومن دوون تردد
دعواااتك لي بالذريه الصالحة
انصحك للمرة الثانيه اخذي الجديدة ومن دوون تردد
دعواااتك لي بالذريه الصالحة
الصفحة الأخيرة