محتاره بين عقلي وقلبي

موضوعي قد يكون للفضفضه أكثر من انه لشي ثاني.. انا يا بنات عندي اخوات زوجي وبنفس الوقت بنات خالتي.. قريبات من عمري.. متخرجات وجالسات في البيت.. زوجي اخوهم الكبير.. وكعاده الأخ الكبير إذا لاحظ على أخته شي من ناحيه الحجاب أو التصرفات أو أي شي يوجه إخواته ويعاتبهَم وكذا... لكن المشكله هي إذا زوجي تناقش معهم نقاش حاد أو خاصمهم أو زعلهَم يزعلون علي انا!! مع انه ما عمره صار شي قدامي كل شي يصير بينه وبينهم ما يكون أي أحد سواء انا أو اولادي موجود و اي زعل يصير بينهم ما اعرف فيه الا بعدين اسأل زوجي ليش البنات كذا علي. ويعلمني بيني وبينه .. وانا اسوي نفسي ما دريت ولا عندي علم.. لكن قاقهرني نظرات الزعل والحقد والكره تجاهي بمجرد انهم يزعلون من اخوهم.. والمشكله ساعات بسيطه ثم يصيرون عادي مع اخوهم وانا باقي كارهيني..وانا طول السنوات هذه أتعامل بتجاهل واعنني ما دريت ولا لاحظت والتزم الصمت والتغافل إلى أن نسافر ونرجع منطقتنا.. طبعا احنا ما نجيهم الا بالأعياد أو المناسبات العائليه . وانا يشهد الله اعاملهم باحترام كأنهم أخواتي.. اللي حصل بالمره الاخيره ينطبق عليه المثل اللي يقول الشعره التي قصمت ظهر البعير.. كان ثاني أيام العيد ما حصل من اخوهم شي وتونا واصلين .. استقبلتني خالتي فقط.. و. وحده من البنات قابلتني اليوم الثاني صدفه وهي جايه من برا وسلمت علي سلام بااارد.. الثانيه ابد ما شفتها .. لا استقبال ولا ضيافه.. خالتي حرمه كبيره استحي اخليها تشتغل وانا صعبه ادخل مطبخهم لأن مطبخهم كاشف على قسم العيال.. يسوون قهوه ويتجمعون بصالة جوا داخليه وانا لوحدي انا وأم زوجي في صاله الضيوف.. حتى القهوه ما عندنا.. قلت بيني وبين نفسي باروح لهم اسلم عليهم يمكن ما يبغون يجلسون هنا عادي انا اروح عندهم.. لما دخلت عليهم وحده منهم من جيت ما شفتها جالسه ما قامت تسلم علي انا قلت لها سلام يا فلانه قالت ما شفتك وقامت سلمت بدون نفس .. قلت يالله عن اذنكم ومشيت ما قدرت اجلس عزت علي نفسي.. اللي حصل اني بعد هذا الموقف خلاااااص نفسي انسدت ما عاد ابغاهم ولا عاد ابغى اجيهم وغسلتهم من قلبي نهائي..وافكر لو نجيهم أحد الأيام ما اجيهم استأجر لي فندق اجلس فيه وزوجي اكيد بيزعل مني ويسوي لي مشكله لو سويت كذا لكن عادي يروح لهم هو وعياله بكيفه لأن نفسي خلاص طابت منهم.. .. ولكن مستحيه من خالتي وانا ما ابغى ازعلها لأنها انسانه كبيره وصاحبه ضغط وسكر وقلب.. ايش رايكم لو كنتوا مكاني...