Lama_zz

Lama_zz @lama_zz

عضوة جديدة

محتاره جدًا .. ساعدوني بارائكم

الأسرة والمجتمع

صباح الخير عليكم جميعًا ❤️❤️ انا في حيرة من امري يابنات بحاول اختصر موضوعي، انا بحياتي ماحبيت شخص ولا عمري دخلت بعلاقة عمري ٢٤، وتعرفون ان دايم تصير لكل وحده بالحياة مغازلات سخيفه ببرامج التواصل لكن ماعطيها بال ابدد بس فجأة دخل شخص غريب ماعرفه كلمني واعترف بحبه وانه يتابعني من مدة واعجب فيني ومابتكلم بهالنقطة كثير لاني متأكدة من حبه لي رغم اني قلييلة الثقة بالاشخاص، تكلمنا واخذتنا السوالف لمدة ٤ شهور (وارسلت له صوري اللي اول مرة اسويها بحياتي بس لاني خلاص قلت لنفسي الى متى وانا عايشه بخوف وقيود؟؟ طز بكل شيء ويمكن فعلاً يكون هذا نصيبي والصراحة وحرفيًا وصلت لمرحلة اللامبالاه) المهم وبهالشهرين الاخيرة طلب رقم ابوي، وامي عشان اخته تكلمها، وانه يبغى يتقدم وكل فترة يفتح هالموضوع وانا اصرّفه 😭😭 ويدعي بهالدعوة كل مايصير بيننا تواصل (الله يسخرك لي الله يسخرك لي) وانا اصرّفه لان ماني متخيله وش هذي السرعه بالعلاقة!! احس اقل شيء سنة مدري ليش اقول كذا بس يمكن لاني ساذجه وماعرف وش يصير بهالعلاقات

حيرتي بالضبط ان اخاف يجي يوم من الايام لو صار ووافقت وتقدم يقعد يقول انك كلمتيني وفتحتي معي المجال يعني اكيد كلمتي غيري ؟؟ والله اني خايفه من هاليوم وجدًا

والحيرة الادهى والامرْ انه اكبر مني بسنوااات حوالي عشر او اكثر بشوي (لايجي ببالكم انه متزوج لاني تأكدت بطريقتي) اعزب (وتفكيره عادي قريب من تفكيري وعقليته مرنه وشخص عملي جدًا)

سؤالي هل فعلاً فيه رجال يقولون كذا لزوجاتهم للي يتزوجون عن علاقة وحب؟؟ + هل العمر الكبير تشوفونه عائق ؟

آخر شيء بقوله مشاعري له في الفترة الاخيرة مو ذاك الزود مدري بس احس اني محرومه من شيء اسمه حب أو ما اعرف وشلون اعيشه بالاصح، لكني انبسط بوجوده واحب اذا شفت منه اشعار واقرأ محادثاتنا يوميًا .. مدري هل هذي الدلالات اني احبه ولا اضحك على نفسي ؟

بالبداية انبسطت واستانست وانه اوه يقول لي كلام حلو ويمدحني ليل نهار ومايقدر يفارق المحادثة دقيقة لكن مابعد الشهرين سبحانه المشاعر طفت وتلاشت .. لكن هو مايدري بهالموضوع.. والله العظيم يعز علي اقول له لانه بينجرح ودايم يذكرني تراني اتألم ويوجعني قلبي ما اسلمه لأحد يا... خليك صريحة معي .. بس رفضت اقوله مشاعري الحقيقة نهاية الشهر هذا
مشكلتي طيبة ماعرف حتى ابدأ واصارحه عن اللي احس فيه

لو اوصف لكم حبه لي ماتتخيلون لكن احس اني ماحمل نفس المشاعر اللي يحملها لي (ترى ما اقول هذا الكلام عشان اهايط ولا اتفشخر يعلم الله لا لكن قلته عشان اوضح انه يحبني جدًا ومستعد يسوي كل شيء عشاني) ف وش ممكن اسوي بهالحالة ؟ اعطوني رأيكم الله يسعدكم وأعتذر عن الاطالة 😭
6
871

يلزم عليك تسجيل الدخول أولًا لكتابة تعليق.

تسجيل دخول

دعجه 2
دعجه 2
علاقه محرمه لاتجوز الله يهديك هو غريب عنك
وش الي طز بكل شي بلا خوف ولاقيود هذا اسمه دين دين الله يصلح قلبك

عندك ضمانه انه مايبيعك ويغدر فيك يوم من الايام؟؟
والحب المفاجاء من الباب لطاقه متاكده منه؟؟

كل الاجابات تتكون لا

هذا شي حرمه ربي مهما قالك من الحب وغيره حرام
اذا صادق يجي يخطب وتكونين حلاله
موب من خلال كتابات حب وماحب
فكري زين الله يصلح قلبك
Lama_zz
Lama_zz
ممتنة لنصايحك وكلامك لكن انا ما أمنت نفسي ولا سويت هالشيء الا لما تأكدت من جديته مب بالساهل سويت هالشيء
ام رؤوم
ام رؤوم
نعم حرام
وكثير بنات نفس قصتك وبالاخير غدر فيها
انتبهي
والا يبدأ يهددك بصورك
🌹اختكم المصرية 🌹
مهما حاولتى تكونى سعيدة
لن تجدى السعادة فى الحرام
سعادة مؤقته وتزول بسرعة ويبقى الذنب فى القلب وفى الصحيفة صحيفة اعمالك
اين الامانة ؟
كيف تكونى زوجة امينة ؟
لم تراعى ان الله يراك ؟
وانت تخونين اهلك ؟
كيف يأتمنك وانت تخونين اهلك ؟
هذه سعادة فى الحرام
لا ترضى الله
هتكون حياتك معاه نار
بسبب انه البدايه حرام
وحياتك معاه هتكون شك فى شك فى شك
هتعيشى معاه فقط هو يشك فيك
انصحك ابتعدى عنه لوجه الله
ومن ترك شيئا لله عوضه الله خيرا منه
أمل لا يخبو
أمل لا يخبو
هذي مجرد احاسيس نابعه عن فراغ او نقص عاطفة
انتي حتى ما تعرفي اذا هو صادق او لا ، هل اعطاك عمره الحقيقي او لا
طيب اذا هو صادق ليه ما خطبك على طول وقال ارسلي صورك؟
بالله لا تضيعي عمرك مع شاب مجهول
لو اخذتيها بطرق مشروع كان افضل لك دحين انتي تعيشي لحظات هم وحزن