محتاره جدا مع زوجي

السلام عليكم ورحمة الله وبركاته .. أنا متزوجه وعمري 30 سنه وعندي طفله عمرها 4 سنوات مشكلتي مو متقبله شكل زوجي أبدا مع انه جدا طيب وحنون وموفر لي حياة كريمه واخاف انفصل واطلب طلاقي واندم ب الرغم أني حاواجه صعوبات وكلام والعيشه عند اهلي غير من غير تعامل امي السئ اذا رحت زياره وطولت عندهم تتضايق وتهاوشني وتفرق بين بنتي و اولاد وبنات اخوي ممممرا لانها تميل امي للأولاد اكتر من البنات وانا وافقت من بداية زواجي اهلي حاولو فيني الين اقتنعت ب الشخص دا انه اخلاق وهوا فعلا اخلاق بس والله تعبت من شكله قصير ونحيف واسمر والكل مستغرب مني كيف تزوجت هدا الشخص وانا اجمل منه وشخصيتي أقوى من شخصيته هوا حتى م يعرف يتكلم عدل ودايم اتفشل منه واخاف انفصل واندم أشد الندم وهوا يبيني احمل حاليا بس انا رافضه الى م احدد مصيري معه ي اجلس او انفصل ودي ارتبط ف انسان يكون شكله مقبول لأَنِّي تعبت اشوف كل الا حواليني أزواجهم حلوين ومهتمين ف أنفسهم وزوجي حتى اهتمام م يهتم ف نفسه مع أني دقيقه ف الاهتمام وكلمته كدا مرا بس م نفع معاه وجبت له منظفات وكل شي بس برضو م نفع وكم مرا وحده تقولي زوجك شين واسمر واخاف ع مستقبل بنتي اذا انفصلت لأَنِّي مرا متعلقه فيه وهيا بعد م اتخيل أعيش بعيده عنها واخاف يتقدم لي شخص وم يتقبلون بنتي أتمنى منكم ان ترشدوني الى الطريق الصحيح