أم هدى @am_hd

عضوة فعالة

محتاره حبايبي شسوي

ساعدوني • 18 سنة

:icon33: محتاره بصراحه بخاطري اسوي حركه الكل يرمس عنها في عرسي بليييييييييز ساعدوني ببداعاتكم لا تردوني الله يخليكم

412

يلزم عليك تسجيل الدخول أولًا لكتابة تعليق.

تسجيل دخول

كراميل ماكياتو • 18 سنة

اهم شئ الله يوفقك يارب .....

وبالنسبه للحركه ما عندي خلفيه عن الحركات والزفات ..

أنستازيا • 18 سنة

فيه وايد حركات .. بس ماعرف شو اليديد بالنسبة لج وشو القديم ..
أنا بخبرج شو عندي .. وعسى يكون يديد ..

ممممم

في حركة عييبتني سواها المعرس مب العروس ..
وهي انه طلب من شركة متخصصة في أفكار الاعراس ..
انها تلحقه وين من يسير حق تجهيز العرس .. ويصورونه ..
وعقب سووه على شكل فيديو كليب ..
يعني الخلفية اغنية عن الشوق ..
وطلعوه وهو يتسوق ويشتريله ثياب وغتر ..
وفي محل السويتات يطلب صحون للتوزيع ..
وعقب محل عطور ..
وجيه يعني ..
وطلعوه وهو راقد على شبريته
يطالع المخدة اللي عداله ويهز راسه بحزن>> اونه يتريا على نار
وعقب طلعوه يالس يكشخ حق العرس ولبس بشته وتدخن ..
وعقب يلس على كرسي وقال كلمة شكر لأمه .. >>> ومدح فيها لين خلاها تصيح!
وكلمة شكر للحضور ..
وعقب قال يالله بنتوكل على الله وبندش >>> هذا كله تصوير ..
وعقب بندوا الفيديو ودخل المعرس ..

الكل رمس يومها .. روووووووعة كانت الحركة ..

وغيرها ..

حركة رقص جماعي مع تطقيم ملابس لبنات بعمر 10 إلى 13 سنة ..
يعني تقريبا 6 أو 8 بنات ..
لبسهم كان روعة اللي شفتهم ..
مثل جلابية واسعة بس ميدي من تحت ..والقطعة لونها ابيض سادة ..
وفيها مثل شعر طالع منها .. وربطة عالراس من نفس القطعة ..
ورابطات تحت الوسط بشيل سود ..

مممم وشو بعد ..

وفيه حركة العروس الصغيرة .. مع انها وايد منتشرة بس حلوة ..
وهي انج تلبسين بنت صغيرة نفس لبسج وتدخل جدامج ..

هذا اللي عندي الحين ..
أدري وايد هذربت بس عشان أوضح الفكرة ..

تحياتي :) ومبروووووك مقدما