محتاره حيره يابنات تكفون

السلام عليكم ورحمة الله

بعد شهر من التفكير قلت مالي الا الله ثم بنات حواء اخذ رايهم مشكلتي يابنات بدت من يوم تخرجت من معهد المعلمات وصرت مدرسه وقتها كان عمري 17 تقدم لي ولد خالي وكان شارني ومتمسك فيني مره لكن بعد خمس سنوات خطوبه قررت اني ارفضه ومن بعدها حقد علي حقد فضيع وتزوج من وحده وراح في حال سبيله

بعدها جوني خطاب كثير لكن صرت ارفض لاني كنت ابي ملتزم وعاقل ومن جماعتي لكن للاسف كلهم مونفس المواصفات

بعد كذا صاروا الخطاب يخطبون اختي اللي اصغر مني واختي وافقت وتزوجت الله يوفقها بعد زواج اختي انقطعوا الخطاب

ومن سنتين ماجاني احد وقبل فتره جاني خلوق وغني وشاب ولد جيرانا والكل يمدحه لكن مشكلته انه راعي سفريات
وقبل فتره طلعت عليه اشاعه انه متزوج فلبينه سالنا اهله قالوا اشاعه كيف اتاكد واستخرت الله واحس اني ابيه

لكن احساسي هذا يمكن يرجع لاني رفضت خطاب كثير وعمري الان 25 واختي الي اصغر مني تخطب الا ن واخاف تتزوج هي بعد واجلس وكلام الناس صار كثير خصوصا اني رفضت فوق 16 واحد
تعبت تكفون ساعدوني هل اتزوجه واتوكل على الله ولا ارفضه بس اخاف مايجي احد وخصوصا اني حاسه ان نفس ولد خالي الى الان وعشان كذا ماتزوجت الى الان
ابي رايكم بدون نقد لكلامي لاني كتبت مشكلتي وانا مستعجله

تحياتي لكم