محتاره شسوي

حبيباتي قصتي غريبه شوي انا واعوذ بالله من كلمة انا رحت قبل شهرين لدكتوره بمستشفى الدوسري بالخبر ابي اسوي تلقيح صناعي وكشفت قالت عندك التهابات وكتبت لي تحاميل وقالت خذيها ثلاث ايام واذا نزلت الدوره وكنتي تبين تلقيح تعالي المهم رحت لها يوم جتني الدوره قالت كمان ماينفع اسوي لك تلقيح هالشهر لان طلع عندك هرمون الحليب مرتفع شوي وعطتني حبوب اسمها نوربلاك او حاجه زي كذا المهم غبت عنها كمان شهر ويوم جتني الدوره رحت لها كتبت لي كلوميد حبتين باليوم من ثالث الدوره وسويت كلامها ورحت لها امس المغرب اللي هو يعتبر سادس يوم بالدوره وسوت لي سونار مهبلي وقالت لي ماجيتيني الصباح عندك الحين بويضه ناضجه واحده احتمال تنفجر بأي لحظه المهم قلت لها طيب بكره جمعه اكيد مافيه تلقيح لكن لو جيتك يوم السبت قالت مدري تعالي صباح السبت ونشوف مع اني مااعتقد ان البويضه بتجلس لين يوم السبت معليش صديقاتي طولت عليكم..المهم انتو وش رايكم بكلامها ودلوني كمان من خلال تجاربكم او تجارب غيركم عن مكان بالخبر زين اقدر اسوي فيه تلقيح صناعي