محتاره شو اشور لأخوي

السلام عليكم
شحالكم حبيباتي
محتارة مع اخوي .... يلسنا سنتين ندورله لين ما عرس و خذ وحدة هاديه و حبوبه و لكن كل مالها تتغير ... نحن كنا نشوفه يدلعها بزيادة ... يعني كله يطلعها و يسفرها و ماخذلها بي ام و هي ما تداوم و لا تدرس بس عسب اذا تبى تسير لاهلها و سكنها في فلة بروحها و قريب من اهلها ... بس قلنا ما بندخل دامهم مرتاحين ... لكن في الاخير صار لو طلبت طلب واحد و ما سواه لها خلاص تمسح كل اللي سواه و تزعل و تمد البوز و هو يقعد متلته ... نحن نغسله ثيابه و ياكل عندنا .... لين ما خلاص وصل عنده الموضوع حده عقب 4 سنين زواج ... قال زعلت رضت برايها و لا راضاها و لا سأل عنها و ياب لها دريوليه ... قالت لا تتحرى برضى ... قالها لا فاهمه غلط ... هاي عسب ما اشوفج ... تبين مشوار بعيد هي توديج ! .. عقبها صخت و ما نعرف شو فراسها و كل ما كلمناه قال خلاص عفتها و ما ابيها و افكر اعرس عليها بس احاتي العيال ... عنده 2 منها ... بصراحة ما اعرف شو اسوي معاه انا وايد قريبه منه ...