السلام عليكم ورحمة الله وبركاته
عندي مشكله كبيره مع زوجي وأبو أطفالي بقولها بإختصار ..
فأنا لي أكثر من سنه تقريبا"عند أهلي بسبب خيانات زوجي المتعدده فمره على علاقة
مكالمات مع بنات ومره مكالمات مع شغالات واكتشفت إنه يقابل الشغالات في المنزل
إذا غبت عنه وكنت عند أهلي وكان ينكر كل شي يسويه ولكني إكتشفت كل هذا عن
طريق جواله لأنه يصورهن وكذلك كان يتبادل معهن رسائل الوسائط بعضها أترفع أنا عن
إرساله لها وبعضها تحوي كلام حب وغزل ...الخ , حاولت معه كم مره يترك هالشغلات
عنه ولكنه يقول مجرد تسليه ويواعدني يخليهم ولكن ما يفي بوعده يتركهم أيام وبعدين
يرجع وزيادة على ذلك يشرب ومتهاون بالصلاة ويمد يده إذا عصب علي وعلى الأطفال
وخاصة إذا شرب ولا يتوانى عن السب والشتم ...؟؟؟
المهم تحملت كل ذلك عشان أطفالي المساكين وخاصة إن السبب في تغيره هم أصحاب السوء
لأنه ماكان كذا أول ماتزوجته ولكنه إنلم على شلة سيئة وكان يسهر معاهم بالأستراحات أو ينام
عندهم بالشقق اللي يستاجرونها .. كلمت الهيئة المسؤله عن حينا وعطيتهم معلومات عنه عشان
يراقيونه وينصحونه وفعلا"في أحد الأيام كان بيطلع لسهره مع الشباب كلمت واحد من رجال الهيئه عطاني
رقمه عشان يجي يراقيه ويتابعه والله يهديه حق الهيئة ما صبر لحد ما ينتصف الليل لحد ما يجتمع مع
زملائه على طول راح له مع شباب متطوعين وفتشوا الشقه وما حصلوا شي عندهم وكانت الساعه
تقريبا"10 مساء"يعني ما بعد بدت سهرتهم وراحوا وخلوه وكلمت هبئه ثانيه وقالوا بنراقبه وما سولي شي
المشكله مهو يكلم هالبنات والشغالات وبشرب بس ولكنه يأجر هاشغالات يعني شغله غير نظاميه
وبرضو إحتمال إنه يأجرها بشي ثاني لأن الصور اللي شفتها يجواله تدل على شغالات بايعات أنفسهن
يعضهن عليهن لبس عاري وخاصة إنهن إندونيسيات وفلبينيات ,,,!!!!!
بعد كل هالوقت كلموا أهله أهلي وقالوا تبيها ترجع إنه تغير وحنا ظامنينه وترك شغلة الشغالات
وإتصلح حاله وصار شخص ثاني ومن هالكلام وكلمه الوالد وعاتيه ليش ماجاء أول ما صارت المشكله
عشان يشوف وجهه نظره المهم قعد يحلف لأبوي إنه تاب ورجع لله وترك الشغالات وبيرجع أحسن
من أول وأهلي كل فتره متصل أحد منهم عشان يرجعوني لولدهم والمشكله من أول ما صارت المشكله
لا هو ولا أحد من أهله سعى بالإصلاح وهم ما تحركوا إلا بسبب إنه تدخل واحد من الأقارب جزاه الله كل
خير عني وعن أطفالي يارب وجزاء والدينه الجنه ويارب يرزقه من حيث لاتحتسب
أنا محتاره وخايفه وكنت خلال هالسنه اللي راحت أدعي الله وأستخير وأفكر بأطفالي وأستثير أهل الخبره
نعم مختاره بأمري ياليت أحد يقدر يدلني أو يساعدني بمشكلتي لأن قريبي حصل على رقم صديقه
وكلمه عشان يسأله عنه وقال أمهلني كم يوم وكل مادق عليه يشوف وش صار معه ما يرد والحين مقفل
جواله ولا عاد إتصل بقريبي هذا المهم حيرتي أبي أحد يأكد لي هل هو صدق تغير زي ماقال وحلف
لأبوي وزي ما قالوا أهله لأهلي ما أدري كيف أكتشفه وكيف أدري هل هو صادق أو كاذب ....؟؟؟؟؟
أخاف أرجع له وبعدين يكون عكس اللي قال وبعدين أندم وبرضوا أخاف ما أرجع وأطلب الطلاق وبعدين
نفس الوقت أكتشف إنه فعلا"تغير وبرضو أندم ...؟؟؟؟؟؟؟؟؟؟؟؟؟
محتاااااااااااره في أمري ومالي إلا الله ثم أنتم ساعدوني وأرشدوني إذا فيه طريقه أقدر منها أتأكد
هل فعلا"زوجي تغير وتاب ورجع لله أو إنه يكذب علي زي كل مره ...؟؟؟؟
خاصة أني كل مره أزعل وبعدها أرضى على طول ولكن هالمره ظليت عند موقفي تركته ومارحعت له
أأأأأأأأأأأأأأأأأسفه للأطاله ... أنتظر ردودكم بفارغ الصبر ودعواتكم لي بأن يظهر الله الحق لي بين
ليلة وضحاها وكله عشان هالأطفال المساكين اللي مالهم ذنب ...!!!
يلزم عليك تسجيل الدخول أولًا لكتابة تعليق.
عسل سدر
•
الله يعينك انا اقول خلي واحد من اخوانك يراقبه اذا كان للحين يروح شقق وشلل فاسده خلاص اطلبي الطلاق واذا صدق تغير ارجعي لي وعينيه عل الهدايه والله يصلح حاله
والله يااختي فرقاه عيد بكره يبليك بمرض من هاالشغلات
وبعدين هذا ماعليه حسوفه ربي عيالك بعيد عنه احسن
وبعدين هذا ماعليه حسوفه ربي عيالك بعيد عنه احسن
نور S
•
نصيحة لوجه الله اعطيه فرصة اخيرة وبعدين اول ماترجعي اترك عنك التجسس واشغلي نفسك بأي شي يعني لاتحطيه محور اهتمامك ولو سهر برا خليك هادية وباردة ولاتتصلي عليه بالعكس خلي الامور تمشي واهتمي بنفسك وغيري من شكلك ومن شعرك والله يوفقك
الصفحة الأخيرة