محتاره في نفاسي

السلام عليكم ..بنات انا حامل بشهر الثامن وشايله هم النفاس وتقديمات الى تصير فيه يعني هل لازم اجيب توزيعات اكثر من نوعين وسوي ركن فيه طاوله وحط شوكلاته اكثر من نوع والشياء الثانيه الى خابرينها ولله ماديتي على قدي بس خواتي مرره احرجوني كل شوي يقولو جيبي كذا وسوي كذا وفوق هذا باقي اجيب شغاله ولقيتها بالفين ولله يعلم بقدر ولا لا ادفع حقها وبنسبه لمفرش السرير حق النفاس ناويه اخذ شي يعني هادي وكذا مو حق نفاس عاد مو من كثر الى بيجوني بس خواتي مرره يقولون ماقد سويتي بولادتك زمان كذا سوي هالمره ولاتخلين شي بخاطرك طيب من فين ولله ظروفنا على قدنا بس مره محرجيني وانا اقول ايه بسوي وبسوي وانا خرطي بس كذا كلام ومن غير المواعين يقولون اشتري كل شي جديد ياربي ولله كرهت الوضع من الحين لازم يعني كل هذي التكاليف انا بجيب بس شي على قدي ومرتب مابي اتكلف ....ولله حبيت افضفض شاغليني هالموضوع مرره 😢