محتاره ف الزواج

السلام عليكم
موضوعي يابنات انه في شخص أتواصل معايه عن طريق الانستقرام بغرض الزواج لانه عندي ملف عند الخطابات وفيه بياناتي ، المهم في البدايه سألني اذا عندي رغبه ف الزواج قلتله نعم ، ترى يابنات عمري 33 سنه والله أسعى للزواج بالحلال ، المهم قال اوكيه بنتواصل مع بعض بالتيلفون وهذا شرطي عشان اتعرف على البنت اكثر انا استخرت وبعدين رديت عليه اني موافقه، وبعدين اتصل وكلمنا بعض ولكن بعد كمن يوم كان يطلب كلام حلو وغزل ، فقلتله لو سمحت انته طلبت تعارف وماطلبت كلام حلو وغزل فقالي كان كان قصدي بالتعارف كلام حلو وتاخذين راحتج معايه!؟ المهم خبرت اختي اختي قالتلي قوليله مابقولك كلاك حلو لين مايستوي شي رسمي واهلك يكلمون اهلي ، وبعدين قالي اوكيه اهلي بيتصلون ف اهلج ومر كم يوم ولأحد اتصل ، فقالي انا اعتذر اهلي مااتصلو لانج ماوفقتي على اللي طلبته ، فأنا هني استغربت انه هذا الشخص يغير رأيه، وبعدين طرش فيديو وحاط ايده على القران انه هو جاد ومايلعب معايه وغرضه انه هو يطلب كلام غزل عشان يتأكد من البنت انه تحبه وماتستغله!؟ وهو قالي بسولف معاج شهر وعقب او خلال الشهر بقرر اباج ولا ماأباج والحينه صرنا نكلم بعض 3 أسابيع ، بنات هو يحلف ويحط ايده عالقران انه يحبني وبيتزوجني وكم من مره قال انه هو مايلعب معاي محتاره معاه انا وبعد يوم كلمت امي قالتلي الله بيكون معاج لاتخافين انتي مستخيره وتبين ولد الحلال شو المانع لو بديتي تقولين كلام حلو ، المهم الكلام الخلوً قلتله بس والله طلعت احس بالغصب بس شو اسوي قلت يمكن يكون هو من نصيبي والله يعرف نيتي زواج وبس .
وبعدين قالي زين قلتيلي كلام حلو الحمدالله طمنتيتي انج تبيني، وبعدين بعد كمن يوم قالي سالفه وهي انه هو سنتين كان بعيد عن أهله لانه هو يداوم ف الجيش واستوت مشكله ف البيت وبسبب هاي المشكله هو انحبس ف السجن لمده شهرين وقالي انا اتلبست ف الموضوع بس الحمدالله طلعت براءه، يقولي والحينه ابه ارجع علاقتي مع اهلي وأكون زين معاهم بس محد فاهمني وأحس يبتعدون عني بس ابويه يحبني ومعايه وأختي الصغيره معايه.
وقالي يابنات انه هو متضارب مع مسؤوله ف الجيش والحينه حارمينه من الراتب لمده شهرين ويشكيلي الحال وأنه هو ماعندي بيزات عشان يصرف على عمره!؟ يابنات مره قالي ممكن تطرشلي رصيد للموابيل 100 وقال والله محتاج بردلج انا ف المستشفى وماعندي حد وطرشتله، وقالي والله قبل عندي بيزات وأعطي المحتاج والحينه انا محتاج لكن محد يعطيني وصاااااح!؟ يقول اشكيلج الحال لاني احبج !؟
بنات وايد محتاره انا. بنت في سن الزواج وكبرت يعني يوم بديت احس اني حصلت الإنسان اللي أباه كل هالاشياء تستوي معايه شو اسوي 😭
وبعد يابنات كمن مره صاح قال والله احبج ومحتاج كلام خاو منج عشان أتقرب منج اكثر وأخلي اهلي يتصلون باهلج وعقب يابنات مايخلي أهله يتصلون!؟
والبارحه قال اسف عندي ظروف ابويه بيسوي عمليتين وامي بتسوي عمليه بعد وقال شو فيج احس متغيره علي قالي قوليلي شو مستوي عشان ابرر موقفي معاج!؟
وقالً خلاص فهمت ماتبيني خلاص بخليج تردين علي باجر قوليلي تبيني ولا لا شو اسوي بنات اختي تقول لاتكملين معاه وامي تقول بعد لاتكملين معاه !؟!
وصاح كمن مره ف التليفون يقول محد يفهمني انا بنتحر ومحد حاس فيني
سوري طولت بس شو اسوي هاي قصتي سااااااااعدوني الله يخليكم 😭