- يسعد اوقاتكم جميلاتي ..
طبعاً اكثر موضوع نتضايق منه ويأزمنا شوي !
(التنظيم والترتيب )
كل ام ودها غرفة اطفالها تكون على حطة يدها وماحد يحوس ويخرب .
خصوصاً اذا كنا طالعين مشوار كل التعب اللي نجلس عليه وقت نقلبه بدقايق
عشان كذا جبت لكم طريقه جميله اتمنى تفيدكم لترتيب اغراض عصافيركم !
كثير اشياء عندنا نحتار وين نحطها ؟
او ندور لها مكان يكفي ويكون شكله ومرتب !
كنت اتسوق وجذبني هالمنظم 👌👌
خفيف والوانه حلوه .
جميله اشكاله مختلفه وفيه منه مقاسات .
عدد الادراج داخل المنظم فيه اقل واكثر .
ينفع للشراريب ، او القبابيع والكابات وممكن الداخليات نلفها رولات صغيره ونحطها ، يجي بعد لأدوات الأطفال مثلاً مشط وبودره مقص اظافر والكماليات الباقيه 💙💙 . لبكلات البنات وشباصاتهم وحوستهم .
اشتريت واحد لولدي بـ ١٣ ريال💸 .
من محل الهدايا سنتر بمكه ، تلاقونه بأغلب الأسواق زي فرصه يابلاش وكذا .
عجبكم الموضوع ؟ حابين اكتب لكم تجارب اكثر ونستفيد من بعض ؟
تفاااعلكم يسسعدني .
