محتاره مع اخويا

السلام عليكم ورحمة الله وبركاته

بدخل في الموضوع على طول
بعطيكم فكره قبل ماادخل في القصه انا متزوجه ومغتربه مع زوجي وعندي واحد من اخواني
نفس الشي مغترب بس في بلده تانيه وعزابي ( غير متزوج )
قبل سنه تفريبا اخوي جاني في البلده الي انا فيها على اساس يقضي الاجازه معانا
والحمد لله قضت الاجازه وانبسكنا وبعد ما رجع على بلدته مره اتصل عليه وعادي يسال عننا وقالي انا ابغى اقلك شي بس لا تقولي لاحد وحلفني بالله قالي وانا راجع من عندكم في المطار قالي كنت اكلم تليفون ويقول خلصت وقفلت الا وحده جنبي نكت قالت انتى تتكلم عربي قالها ايوه مستغربه لان ماشاء الله اخوي ابيضاني شكله مو سعودي المهم يقول قعدت تساله انت من فين ومن دا الكلام .........
ويقولي تبادلنا الايميلات على اساس قالها انا اختي هنا حاولي انك تكلميها وتتعرفي عليها والبنت هادي هي مسلمه بس ماتتكلم عربي بس شي بسيط كلمه كلمتين وماتعرف غير انجليزي هي اصلها عربي المهم
قالي اخوي خذي ايميلها وكلميها بالماسنجر قالي انها شكلها طيبه ومتربيه كويس انا قلتله اوكي وكلمتها وتعرفت عليها وشفتها والحمد لله البنت طيبه بس المشكله انه اخويا عاجبته وحاطها فراسه يعني يبغى يتزوجها بس قالي اذا حصل نصيب بتزوج بعد سنتين او ثلاث يكون خلصت دراستي
المشكله انه اهلي مستحيل يوافقوا يعني انتوا عارفين هاذي الاشكال الله واعلم كيف يفكروا وعاداتهم غير عننا
يعنيالوضع ملخبط
المشكله انوا اخوي الله يهديه حطني في موقف صعب لو امي في يوم من الايام عرفت بالصدفه وعرفت اني عارفه ياويلي منها بتقول ليش كنتي عارفه وماتكلمنتي
انا شاورت بعض صحباتي قالولي احسن شي تقولي لامك وبصراحه اخويه امني وحلفني
بايش انتم تنصحوني