السلام عليكم
اكيد كلكم محتارين من وين تتقضون لرمضان ومو كل بيت يجيهم البروشور حق العروض على حسب قربهم من السوبر ماركت عاد انا حبيت اني افيدكم بمواقع للعروض الخاصه بشهر رمضان وتراها بتنتهي ب22 شعبان
عروض كارفور تفضلي الرابطhttp://www.carrefourksa.com/Arabic/pro.asp
وهذا رابط لعروض جيان واذا بغيتوا تفتحون الصفحه اضغطي كلك على طرفها بتنفح لك
http://www.geantsaudi.com.sa/FlippingBook/PR210606.htm
وهذا رابط لعروض السدحان
http://www.al-sadhan.com/ar/SpecialOffers/SpecialOffers.aspx
وهذا رابط لعروض بنده مع انه مافيه شي يستاهل
http://www.panda.com.sa/offer_h/categories.php?cat_id=1&sessionid=c7331aa1fa29ddba baa99c1fd8e525d0
طبعا انا ابغى اشياء معينه حبيت اني اسوي مقارنه واروح للأرخص تصدقون اني تفاجأت يعني لعب عيني عينك وباقولكم بعض الامثله طبعا انا قارنت بين كارفور وجيان وشوفوا النتيجه
الماجي متفقين على اسعارهم
الدريم ويب كارفور ارخص بريالين
زيتون كوبوليفيا جيان ارخص بريال
موبي سائل غسيل الصحون عند جيان 3 ب10 ريال وعند كارفو 2 + بخاخ لتنظيف الفرن 10
فول كاليفورنيا عند جيان ب9 وعند كارفور ب8
الطامه الكبرى
تانج عند كارفور ب20 وعند جيان ب30 تخيلوا الفرق 10 ريال يعني اللي قبل ريال ريالين تهون بس 10 كثيره بصراحه عموما انا قررت ان شاء الله اتقضى من كارفور وانتم شوفوا العروض وروحوا للي يناسبكم على حسب اغراضكم وهاالشي راح يوفر لكم الوقت والجهد :arb:واللي عندها سواق تقدر تروح لكل مكان وتاخذ اللي تحتاجه بالسعر الأحلى انا حبيت افيدكم وياريت كل واحده تدخل وتستفيد انها تدعيلي ومو شرط تكتبها بالدعوات اللي بتوقيعي وزياده عليها اني انحف واصل للوزن اللي ابي من غير شر ويصير جسمي مشدود ادري مصختها بس انتم كريمات وانا استاهل << ماخذه مقلب لووووووول
عموما باقولكم قصه صارت معي مره شرينا من كارفور ويام حطينا الأغراض تلكك اللي يحاسب وباخر شي قال خلاص صلاه قال :arb:طيب معنا اشياء مثلجه قال لا مااقدر المهم حنفش ابونا ورفض نرجع لهم مره ثانيه ورب ضاره نافعه بعد الصلاه رحنا للسدحان عشان نتقضى نفس اغراضنا تخيلوا لقينا الفرق بينهم ريالين و3 و4 وهلم جرا طبعا حنا كنا نحب السدحان وخاصه خضارهم قام زوجي نادى المدير وقاله مو معقول الفرق كذا يعني بيصير الفرق بالمجموع حول 90 ريال المهم المدير قال بنشوف هاالنقطه وحنا حريصين ان اسعارنا تكون الاقل بس بعدها شطبنا عليهم بس اللحين ماادري عنهم عشان ماادخل بذمتي شي بس لازم ننتبه للفروقات بالاسعار مانخليهم يلعبون علينا مو كفايه كل شي رفعوه:angry2:
ايه نسيت اقولكم بس بتفكون ازمه اللي تخبر دور بالريان والا حوالينه للايجار تعلمني وبادعيلها من قلبي باللي تبي
سلام :)
ملاحظه: لازم تنتبهون لنقطه مهمه وهذي اكثر من مره صارت معي احيانا يحطون سعر وبالكاشير سعر فلازم تشوفون السعر بالكاشير جل من لايخطئ وبعضهم يقولون لك خلص العرض والبروشورات مازالت موجوده وصارت معي بالسدحان الجديد اللي بخريص وجيان كم مره اخذه بسعر ويحاسبوني بسعر ثاني وبرضه لازم تنتبهون ان احيانا تشترون شي مجمد بس يكون ذاب ورجع يجمدونه مره ثانيه وهذا يسبب السلامونيا وهذي تصير اذا حط المشتري كل اغراضه بيحاسب وقالوا لك خلاص وقت صلاه اكيد بتخلونها وتروحون وبتذوب ويرجعونها مره ثانيه انتبهوا من هاالنقطه
شيخة القصمان100% @shykh_alksman100
محررة ذهبية
يلزم عليك تسجيل الدخول أولًا لكتابة تعليق.
Rosalba
•
جزاكي الله خير أختي
طيب أنا بعد بحط العروض لي بنات بلدي
بنات دبي و الأمارات هاذي عروض كارفور ( بس يا بنات تأكدو من التاريخ زيييييييييين)
هاذي صفحة العروض
http://www.carrefouruae.com/Arabic/promotionslist.asp?pid=162
و هذا وصله لتزيل البرشور مال عروض كارفور الخاصة بشهر رمضان
http://www.carrefouruae.com/pdf/30aug07_promo.pdf
طيب أنا بعد بحط العروض لي بنات بلدي
بنات دبي و الأمارات هاذي عروض كارفور ( بس يا بنات تأكدو من التاريخ زيييييييييين)
هاذي صفحة العروض
http://www.carrefouruae.com/Arabic/promotionslist.asp?pid=162
و هذا وصله لتزيل البرشور مال عروض كارفور الخاصة بشهر رمضان
http://www.carrefouruae.com/pdf/30aug07_promo.pdf
الصفحة الأخيرة
بس لاحظت عندنا في قطر .. ان كارفور ارخص من المخازن الكبرى ومن الجمعيات التعاونيه ...