انطوانيت @antoanyt

عضوة نشيطة

محتاره موت واللي تقولوه راح اسويه

بسم الله اول شي زوجي متهاوش هوه واخته وانا بصراحه اكرها وهيه تكرهني طبعا انا ما كرهتها من فراغ انا كرهتها بعد اللي سوته فيه والله اني ما ابرر لنفسي بس هاذي الحقيقه طبعا اللي سوته كثير بس هذا مو موضوعي المهم سبب الخلاف اللي بينها وبين اخوها اهلي رسلو ليه فلوس ورحت اثثت فيها بيتي مو كله غرفة النوم وغرفه الحريم المهم جتني اخته تزورني والله العظيم ما اكذب هاذا اللي صار دخلت البيت عصبت لما شافت جلسه الحريم قامت تسالني بكم سوالف الحريم الماسخه قلتلها وتعرفوت التلفف لف بالبيت ما احب هالاسلوب وشافت غرفة النوم وتعصب بزياده ولونها تغير سالتني مو انتو ما عنكم فلوس من وين جبتي هاذا كله طبعا ما قلتلها من عند اهلي احتراما لزوجي ولا قلتلها زوجي سكت وغيرت الموضوع المهم طلعت من بيتي وراحت عند زوجها وقالتله ادق الحين على اخويه وتتطلب فلوسك منه لانه زوجي متدين من زوجها بالفعل دق وطلبها وقله ليش تاثث بيتك اعطيني فلوسي اول على الرغم انه متفقين يرجعها كل شهر الف والامور ما شيه تمام والمومنين عند شروطهم وهذا اللي اتفقو عليه من الاول المهم صارت هواشه طويله عريضه بين زوجي وزوجها ومن بعدها بطلو يكلمو بعض لا يكلم اخته ولا زوجها وهما كمام نفس الشي ................اليوم دقت عليه اخته تعزمني على ملكه ولدها ودق زوجها على زوجي ما رد عليه بس انا رديت على اخته وقلتلها ***** الله خير .................السوال اروح ولا لا بالرغم زوجي ما راح يروح المشكله باقي خمسة ايام عالملكه فانا قلت لزوجي اذا حتروح اعطيني خبر عشان اشتريلي فستان انا حاسه لما زوجي سمع فيها فستان وخساير صمم انه ما يبي يروح انا كلمت اختي قالتلي بما ان الحرمه اتصلت روحي ادي الواجب حتى لو اخوها ما راح وبيني وبينكم ياحوائات ما لي نفس اروح لاني مااطيقها واح هالشي نفاق ولا تقولولي واجب انا عندي مبدا شخص احبه اتواصل معه واللي ما احبه اعمل عليه اكس بس مااروح وازور وبعدين اشتم من ورى العالم ما احب هالاسلوب بس هاذي السالفه ردو بليز واللي تقولي روحي الملكه تدبرلي فستان واكسسوار وسندل وشنطه :)

يلزم عليك تسجيل الدخول أولًا لكتابة تعليق.

تسجيل دخول

دنيتـــي رنــو • 14 سنة

عمى يعمي عيونها هذي زي حماااااااتي بالظبط والمشكله اصغر مني بسنتين

وتغااااار مني وتظلمني عند زوجي

اساسا انتي المفروض هالاشكاااال ماتدخلينها بيتك هذي وحده مريضه كيف تطلب من اخوها الدين

هذي اخت؟؟؟؟ المفروض تشطبين عليها وتكونين سطحيه معها بعد هالعمله

ولااااااااااااااتروحين لها اذبحيها هي اصلا مسويه حركات وفشخره عشان تذبحك

والا اجل ليش طلبت الفلوس من اخووووك

طنشيها والله ماتسوى اشري فستان جديد عشان هالاشكااااااااااااااااال

طيعي شوري لانك انتي زي حالتي مع هالاشكال

مايذبحهم غير الطناش

فسحة قصيرة • 14 سنة

لو مكانك احضر لأنك لو ماحضرت بتكبر السالفة وبتصير قطيعة والقطيعة ماهي حلوة

عسل صافي1 • 14 سنة

اذا وافق زوجك تسلفي الفستان من وحده من اخواتك ولا صديقاتك

سكاكر ملونة • 14 سنة

ياحبيبتي .. استهدي بالله ..

هذا الشي اللي يبيه الشيطان ... تنافر القلوب والتحريش بين الناس ..

سامحوها واعذروها .. فالإنسان له الظاهر بس ... يعني يوم شافت أثاثك ومستواه ... جاها إبليس وقال لها : ها .. تسلفوا الفلوس عشان الفشخرة بس .. ويمكن هي وزوجها بحاجة للمبلغ اللي سلفوكم إياه ..

ليتك شلتي الشك اللي في قلبها لما شافت الأثاث .. وعادي قلتي لها : هذولا من أهلي هدية ..حتى مايجي في بالها شي وتصكين أبواب الشيطان ..

روحي يااختي وحثي زوجك على الروحة .. هذه إخته ..والإنسان يزل ويغلط ويجيه إبليس ويخليه يسيء الظن .. ومثل مانحب إن الله يغفر لنا ذنوبنا وأخطائنا .. لابد إن نغفر للناس أخطائهم ونسامحهم .. ونلتمس لهم العذر ..

الدنيا قصيرة .. وماندري متى نروح تحت التراب .. وعند الموت يشوف الإنسان حياته كلها وكأنها ساعة واحدة بس .. فادحري الشيطان عنك وعن زوجك .. واكسبي أجر إصلاح البين .. وصلة الرحم ..

وتذكروا قول الله سبحانه " ادفع بالسيئة الحسنة " ..وفي النهاية إنتي الربحانة دنيا وأخرى ..

هي الآن ماده يدها لكم فلا تردونها .. ولا تقولين يمكن نيتها كذا أو كذا " من النوايا الشينة " .. لا .. لا .. اتركيك من نواياها .. وقولي لنفسك .. علي من نيتي أنا وبس .. نية إصلاح ذات البين وصلة الرحم .. وحل النزاعات ..

أتمنى مايكون كلامي ثقيل عليك ،،، والله يوفقك للي فيه الخير..

( قلب صافي ) • 14 سنة

لا حول ولا قوة الا بالله
الله يهديهم ويصلح ما بين الاخوان